ന്യൂദൽഹി: നിതീഷ് കുമാര്‍ അടക്കം ആരുടെ മുന്നിലും എന്‍ഡിഎയുടെ വാതിലുകള്‍ അടച്ചിട്ടില്ലെന്ന് സുശീൽ മോദി എംപി പറഞ്ഞു. എന്നാല്‍ ഇക്കാര്യത്തില്‍ കേന്ദ്ര നേതൃത്വം ഉചിതമായ തീരുമാനമെടുക്കുമെന്നും സുശീല്‍ മോദി അഭിപ്രായപ്പെട്ടു.
അതിനിടെ ബിജെപി ദേശീയ നിര്‍വഹക സമിതി യോഗം ശനി, ഞായര്‍ ദിവസങ്ങളില്‍ ബിഹാറില്‍ ചേരാന്‍ തീരുമാനിച്ചിട്ടുണ്ട്. നേരത്തെ ബിജെപിക്കൊപ്പം സര്‍ക്കാരുണ്ടാക്കില്ലെന്ന് ജെഡിയു ബിഹാര്‍ അധ്യക്ഷന്‍ രംഗത്തെത്തിയിരുന്നു. ഇന്ത്യ സഖ്യം വിട്ട് നിതീഷ് കുമാറും ജെഡിയുവും എന്‍ഡിഎ മുന്നണിയുടെ ഭാഗമാകുമെന്ന റിപ്പോര്‍ട്ടുകള്‍ ജെഡിയു ബിഹാര്‍ അധ്യക്ഷന്‍ ഉമേഷ് കുശ്വാഹ നിഷേധിക്കുകയായിരുന്നു.
എന്നാല്‍ ഉമേഷ് കുശ്വാഹയുടെ പ്രതികരണത്തിന് പിന്നാലെ ആരുടെ മുന്നിലും വാതിലുകള്‍ അടച്ചിട്ടില്ലെന്ന പ്രഖ്യാപനവുമായി ബി ജെ പി നേതാവ് സുശീല്‍ മോദി എം പി രംഗത്തെത്തിയത് വീണ്ടും ചർച്ചകൾക്ക് വേദിയൊരുക്കുകയാണ്.
പ്രതികരിക്കാൻ ഇവിടെ എഴുതുക: