തിരുവനന്തപുരം: മോദി അയോധ്യയിലെ രാമക്ഷേത്രത്തിലെ പ്രാണ പ്രതിഷ്ഠാച്ചടങ്ങുകള് നടത്തുമ്പോള് തിരുവനന്തപുരത്തെ വീട്ടിൽ അഞ്ചു തിരിയിട്ട വിളക്ക് കൊളുത്തി സിന്ധുകൃഷ്ണ. ഒപ്പം ടെലിവിഷന് പ്രാണപ്രതിഷ്ഠാച്ചടങ്ങുകളുടെ ലൈവ് കാണുകയും ചെയ്തു. പ്രമുഖ നടനും ബിജെപി നേതാവുമായ കൃഷ്ണകുമാറിന്റെ ഭാര്യയാണ് സിന്ധു കൃഷ്ണ. പ്രാണ പ്രതിഷ്ഠ കഴിഞ്ഞതിന് പിന്നാലെ സിന്ധുകൃഷ്ണ ഇൻസ്റ്റഗ്രാം സ്റ്റോറിയിലൂടെയാണ് ഈ വിവരം പങ്കുവെച്ചത്.
ഗായിക കെ.എസ്. ചിത്ര വീഡിയോയിലൂടെ അയോധ്യയില് പ്രാണപ്രതിഷ്ഠ നടക്കുമ്പോള് അഞ്ച് തിരിയിട്ട വിളക്കുകത്തിക്കണമെന്ന് വിശ്വാസികളോട് അഭ്യര്ത്ഥിച്ചത് ജിഹാദികളും കമ്മ്യൂണിസ്റ്റുകളും ലിബറലകളും കേരളത്തില് വലിയ വിവാദമാക്കി മാറ്റിയിരുന്നു. സിന്ധു കൃഷ്ണയുടെ ഈ പോസ്റ്റ് ഈ വിശ്വാസവിരുദ്ധക്കൂട്ടങ്ങള്ക്കുള്ള മറുപടി കൂടിയായി മാറി.
ഹനുമാന്റെ ചിത്രത്തിന് മുന്നിലാണ് സിന്ധു കൃഷ്ണ വിളക്ക് തെളിച്ചത്. പ്രാണ പ്രതിഷ്ഠ നടന്ന ശേഷമുള്ള റാം ലല്ല (അയോധ്യക്ഷേത്രത്തിലെ വിഗ്രഹമായ ബാലകരാമന്) യുടെ ആദ്യ ദൃശ്യവും സിന്ധു ഇൻസ്റ്റഗ്രാം സ്റ്റോറിയില് ഉണ്ട്.
രണ്ടു തട്ടുകളിലായാണ് വീട്ടിലെ പൂജാ ചിത്രങ്ങളും വിഗ്രഹങ്ങളും സിന്ധു ഒരുക്കിയത്. മണിയൊച്ചകളും വീഡിയോയില് വ്യക്തമായി കേള്ക്കാം. ഒരു വെള്ളിച്ചെപ്പിൽ സൂക്ഷിച്ച അക്ഷതവും വീഡിയോയില് കാണാം. അയോദ്ധ്യയില് പൂജിച്ച അക്ഷതം, ആർ എസ് എസ് സഹ പ്രാന്ത കാര്യവാഹ് പ്രസാദ് ബാബുവിൽ നിന്നും കൃഷ്ണകുമാര് നേരത്തെ ഏറ്റുവാങ്ങിയിരുന്നു.
