കണ്ണൂര്: രാഹുല്ഗാന്ധിയെ കേരളത്തില് മത്സരിക്കാന് ഉപദേശിക്കുന്നവര് ലോക്സഭാ തെരഞ്ഞെടുപ്പിന് ശേഷം മറുപടി പറയേണ്ടി വരുമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. കണ്ണൂര് പ്രസ് ക്ലബ്ബില് മീറ്റ് ദി പ്രസില് സംസാരിക്കുകയായിരുന്നു അദ്ദേഹം.
ഇത് കോണ്ഗ്രസിന്റെ രാഷ്ട്രീയ നിലനില്പിനെ ബാധിക്കും. രാഷ്ട്രീയ പോര് നടക്കേണ്ട ഉത്തരേന്ത്യയില് നിന്നും തെക്കോട്ടോടി വന്ന് മത്സരിക്കുന്നത് തെറ്റായ സന്ദേശം നല്കും. കോണ്ഗ്രസിന്റെ മുഖ്യ എതിരാളി ഇടതാണോ ബിജെപി
യാണോയെന്നതിന് ഉത്തരം പറയേണ്ടത് കോണ്ഗ്രസാണ്. തെരഞ്ഞെടുപ്പില് 20 മണ്ഡലത്തിലും എല്ഡിഎഫ് വിജയിക്കുമെന്നും തൃശൂരുള്പ്പെടെ ഒരിടത്തും സ്ഥാനാര്ത്ഥിയെ തീരുമാനിച്ചിട്ടില്ലെന്നും യഥാസമയത്ത് പ്രഖ്യാപിക്കുമെന്നും അദ്ദേഹം പറഞ്ഞു. എംടിയുടെ വിമര്ശനം അര്ഹിക്കുന്ന ഗൗരവത്തോടെ കാണുന്നു. വ്യക്തി ആരാധനയെ അംഗീകരിക്കുന്നില്ലെന്നും അദ്ദേഹം പറഞ്ഞു.
