ഗുവാഹത്തി: രഞ്ജി ട്രോഫി രണ്ടാം ദിനം കളി നിര്‍ത്തുമ്പോള്‍ കേരളം ശക്തമായ നിലയില്‍. ആദ്യ ദിനം മികച്ച തുടക്കം കിട്ടിയ ടീം ഇന്നലെ 419 റണ്‍സിന്റെ ടോട്ടല്‍ സ്‌കോര്‍ കണ്ടെത്തി.
മുന്‍ നായകന്‍ സച്ചിന്‍ ബേബിയുടെ സെഞ്ചുറി പ്രകടനം(131) ടീമിന് നട്ടെല്ലായി. തലേന്ന് ക്രീസില്‍ ഉണ്ടായിരുന്ന കൃഷ്ണപ്രസാദും(80) രോഹന്‍ പ്രേമും(50) മികച്ച പ്രകടനത്തോടെയാണ് രാവിലെ നിലകൊണ്ടത്. സച്ചിന്‍ ക്രീസിലെത്തിയതോടെ ഏകദിന ശൈലിയിലാണ് ബാറ്റ് ചെയ്തത്. 16 ബൗണ്ടറികളും അഞ്ച് സിക്‌സറും ഉള്‍പ്പെടുന്നതായിരുന്നു താരത്തിന്റെ ബാറ്റിങ്.
കേരളത്തിന്റെ 419 റണ്‍സിനെതിരെ ബാറ്റിങ് ആരംഭിച്ച അസമിന് 14 റണ്‍സെടുക്കുന്നതിനിടെ രണ്ട് വിക്കറ്റ് നഷ്ടപ്പെട്ടു.
