തൃശ്ശൂര്: സാമൂഹ്യ പരിഷ്കരണം ലക്ഷ്യമിട്ട് രാജ്യത്ത് അതിവിപ്ലവകരമായ പരിഷ്കാരങ്ങളാണ് കഴിഞ്ഞ പത്തുവര്ഷമായി മോദി സര്ക്കാര് നടപ്പിലാക്കുന്നതെന്ന് ബിജെപി സംസ്ഥാന ഉപാധ്യക്ഷന് അഡ്വ. ബി. ഗോപാലകൃഷ്ണന്. ബിജെപി ലീഗല് സെല് സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു.
സംസ്ഥാന കണ്വീനര് അഡ്വ. പി. കൃഷ്ണദാസ് അധ്യക്ഷത വഹിച്ചു. ഭാരതീയ വിദ്യാഭവന് ഹാളില് നടന്ന സമ്മേളനത്തില് അഡ്വ. ശാസ്തമംഗലം എസ്. അജിത്കുമാര്, അഡ്വ. സി. ദിനേശ്, അഡ്വ. സി. രാജേന്ദ്രന് എന്നിവര് ക്ലാസുകള് നയിച്ചു.
ബിജെപി മധ്യമേഖല പ്രസിഡന്റ് വി. ഉണ്ണികൃഷ്ണന് മാസ്റ്റര്, മേഖല ജനറല് സെക്രട്ടറി അഡ്വ. രവികുമാര് ഉപ്പത്ത്, ലീഗല് സെല് ഭാരവാഹികളായ എന്.എ. ഗിരിജന്, കെ.വി. ഗുരുവായൂരപ്പന്, വി. മനോജ്, രഞ്ജിത് ചന്ദ്രന്, ദിലീപ്കുമാര്, ലിഷ രഞ്ജിത് എന്നിവര് സംസാരിച്ചു. പി. എസ്. ഈശ്വരന്, പയസ് മാത്യു, ഇ. രാജന് എന്നീ മുതിര്ന്ന അഭിഭാഷകരെ യോഗത്തില് ആദരിച്ചു.
