മെല്ബണ് : ഓസ്ട്രേലിയന് ഓപ്പണ് 2024 യോഗ്യതാ റൗണ്ടില് നിന്ന് ഇന്ത്യയുടെ അങ്കിത റെയ്ന പുറത്തായി. ഒരു ഗ്രാന്സ്ലാം ഫൈനല് റൗണ്ടില് കളിക്കാനുള്ള അങ്കിത റെയ്നയുടെ സ്വപ്നം ഒരിക്കല് കൂടി പൊലിഞ്ഞു.
മെല്ബണ് പാര്ക്കില് നടന്ന മത്സരത്തില് ചെക്ക് റിപ്പബ്ലിക്കിന്റെ സാറാ ബെജ്ലെക്കിനോട് നേരിട്ടുള്ള സെറ്റുകള്ക്ക് ആണ് ഇന്ത്യന് താരം പരാജയപ്പെട്ടത്.6-1, 7-5 എന്ന സ്കോറിന് ആയിരുന്നു പരാജയം.
ഒരു മണിക്കൂറും 14 മിനിറ്റുമാണ് മത്സരം നീണ്ടുനിന്നത്. ചൊവ്വാഴ്ച സ്പെയിനിന്റെ ജെസീക്ക ബൗസാസ് മനെയ്റോയെ തോല്പ്പിച്ചായിരുന്നു അങ്കിത യോഗ്യത റൗണ്ടിന്റെ രണ്ടാം റൗണ്ടില് കടന്നത്.
