തിരുവനന്തപുരം: പുതുവത്സരാഘോഷത്തിന്റെ ഭാഗമായി തിരുവനന്തപുരത്ത് പരിശോധനകള് കര്ശനമാക്കുമെന്ന് പൊലീസ്. ബീച്ചുകള്, പൊതു ഇടങ്ങള് എന്നിവിടങ്ങളിലെ ആഘോഷ പരിപാടികള് 12 മണിക്ക് അവസാനിപ്പിക്കണം.
ഹോട്ടലുകളുടെയും, ക്ലബ്ബുകളുടെയും പുതുവത്സര പാര്ട്ടികള് പന്ത്രണ്ടര വരെ അനുവദിക്കും.
മാനവീയം വീഥിയില് വൈകിട്ട് ഏഴരയ്ക്ക് ബാരിക്കേഡുകള് സ്ഥാപിക്കും. ഇവിടെയും 12 മണിക്ക് മണിക്ക് തന്നെ പരിപാടികള് അവസാനിപ്പിക്കണമെന്ന് സിറ്റി പൊലീസ് കമ്മീഷണര് അറിയിച്ചു. നഗരത്തിലാകെ 1500 പൊലീസുകാരെ വിന്യസിപ്പിക്കും. ലഹരി ഉപയോഗം തടയുന്നതിന്ന് പ്രത്യേക സംവിധാനം ഏര്പ്പെടുത്തും.
നിയന്ത്രണങ്ങള് ലംഘിക്കുന്നവര്ക്ക് എതിരെ ജാമ്യമില്ലാ വകുപ്പ് പ്രകാരം കേസെടുക്കും. ഹോട്ടലുകളില് ഡി ജെ പാര്ട്ടികള് സംഘടിപ്പിക്കുന്നതിന് പൊലീസിന്റെ പ്രത്യേക അനുമതി വേണം.ശബ്ദ മലിനീകരണ നിയമങ്ങള് ലംഘിച്ചാല് മൈക്ക് ഓപറേറ്റര്മാര്ക്കെതിരെയും കേസെടുക്കും.
വനിതാ പൊലീസ് യൂണിഫോമിലല്ലാതെ നിരീക്ഷണത്തിനുണ്ടാകും. പിങ്ക് പൊലീസ് യൂണ്ഫോമിലും ഉണ്ടാകും.
