ധനുഷിന്റെ കരിയറിലെ ഏറ്റവും വലിയ ചിത്രമായാണ് ക്യാപ്റ്റൻ മില്ലർ 2024-ലെ പൊങ്കലിന് റിലീസാകാൻ ഒരുങ്ങുന്നത്. മികവുറ്റ കലാകാരന്മാർ അഭിനയ മേഖലയിലും സാങ്കേതിക മേഖലയിലും പ്രവർത്തിക്കുന്ന ക്യാപ്റ്റൻ മില്ലറുടെ എല്ലാ പ്രൊമോഷണൽ മെറ്റീരിയലുകളും, ഫസ്റ്റ് ലുക്ക് മുതൽ ടീസർ മുതൽ ആദ്യ സിംഗിൾ വരെ പ്രേക്ഷകരിൽ നിന്ന് ഗംഭീര പ്രതികരണം നേടി. ജി വി പ്രകാശ് കമ്പോസ് ചെയ്ത “ഉൻ ഒളിയിലെ “ഗാനം ആലപിച്ചിരിക്കുന്നത് സീൻ റോൾഡൻ ആണ്. കബേർ വാസുകി ആണ് ഗാനരചന നിർവഹിച്ചിരിക്കുന്നത്. മൂന്നു മില്യൺ കാഴ്ചക്കാരിലേക്കു കുതിക്കുകയാണ് ക്യാപ്റ്റൻ മില്ലെറിലെ രണ്ടാം ഗാനം. വളരെ സാന്ത്വനിപ്പിക്കുന്ന ഉപകരണങ്ങളുടെ ഉപയോഗത്തോടുകൂടിയ വേഗത കുറഞ്ഞതും എന്നാൽ ആഴത്തിലുള്ളതുമായ ഒരു നമ്പർ ആണ് ഈ ഗാനം. ധനുഷിന്റെയും പ്രിയങ്ക മോഹന്റെയും സ്ക്രീനിലെ കെമിസ്ട്രി ഈ ഗാനത്തിന് കൂടുതൽ മനോഹാരിത സമ്മാനിക്കുന്നു.
അരുൺ മാതേശ്വരൻ സംവിധാനം ചെയ്ത് സത്യജ്യോതി ഫിലിംസ് നിർമ്മിച്ച ഒരു വാർ ആക്ഷൻ ചിത്രമാണ് ക്യാപ്റ്റൻ മില്ലർ. ധനുഷ്, ശിവ രാജ്കുമാർ, സന്ദീപ് കിഷൻ, പ്രിയങ്ക മോഹൻ, ജോൺ കൊക്കൻ, നിവേദിത സതീഷ്, എഡ്വേർഡ് സോണൻബ്ലിക്ക് തുടങ്ങി നിരവധി താരനിരയാണ് ചിത്രത്തിൽ അണിനിരക്കുന്നത്. സിദ്ധാർത്ഥ നുനിയുടെ ഛായാഗ്രഹണവും നാഗൂരാൻ രാമചന്ദ്രൻ എഡിറ്റിംഗും നിർവ്വഹിക്കുന്നു.സെന്തിൽ ത്യാഗരാജനും അർജുൻ ത്യാഗരാജനും ചേർന്ന് നിർമ്മിക്കുന്ന ചിത്രം സത്യജ്യോതി ഫിലിംസിന്റെ ബാനറിൽ ടി ജി ത്യാഗരാജനാണ് അവതരിപ്പിക്കുന്നത്. കേരളത്തിൽ ചിത്രത്തിന്റെ വിതരണാവകാശം സ്വന്തമാക്കിയത് ഫോർച്യൂൺ സിനിമാസാണ്. പി ആർ ഓപ്രതീഷ് ശേഖർ.
