കോഴിക്കോട്: വളയത്ത് യുവാവിനെ വീട്ടിൽ നിന്ന് വിളിച്ചിറക്കി ആക്രമണം. വളയം ചെക്കേറ്റ സ്വദേശി പ്രശാന്തിനെയാണ് വീട്ടിൽ നിന്ന് വിളിച്ചിറക്കി വെട്ടി പരിക്കേൽപ്പിച്ചത്. ഇന്നലെ രാത്രി 11.30-ഓടെയായിരുന്നു സംഭവം. വളയം പോലീസ് സ്റ്റേഷന് സമീപമാണ് ആക്രമണം നടന്നത്.
കുനിയിൽ ഗിരീഷ് എന്ന ആളാണ് ആക്രമിച്ചത്. കത്തി ഉപയോഗിച്ചുള്ള ആക്രമത്തിൽ പ്രശാന്തിന്റെ കഴുത്തിന് സാരമായി പരിക്കേറ്റിട്ടുണ്ട്. ഇയാൾ നാദാപുരം ഗവൺമെന്റ് ആശുപത്രിയിൽ ചികിത്സയിലാണ്. വ്യക്തിവൈരാഗ്യമാണ് ആക്രമണത്തിന് കാരണമെന്നാണ് പ്രാഥമിക നിഗമനം. ബിജെപി പ്രവർത്തകനാണ് ആക്രമണത്തിനിരയായ പ്രശാന്ത്.
