കൊച്ചി: എറണാകുളം പനമ്പുകാട് സുബ്രഹ്മണ്യ ക്ഷേത്രത്തിലെ ഉത്സവത്തിനിടെ ആന ഇടഞ്ഞു. ആദികേശവന് എന്ന ആനയാണ് ഇടഞ്ഞത്. ഉത്സവത്തിന്റെ അഞ്ചാം ദിവസമായ ഇന്നലെ രാവിലെ എഴുന്നള്ളത്തിനിടെയായിരുന്നു സംഭവം.
ഇടഞ്ഞതോടെ ആന ക്ഷേത്രവളപ്പില് നിന്ന് പുറത്തേക്ക് വന്നു. ആനപ്പുറത്തുണ്ടായിരുന്ന രണ്ടു പേരെ കുലുക്കി താഴെയിട്ടു. ഇവരിലൊരാളുടെ കാലിനു പൊട്ടലുണ്ട്. ഇയാളെ ആശുപത്രിയില് പ്രവേശിപ്പിച്ചു. ആര്ക്കും ഗുരുതര പരിക്കില്ല. ആനയെ തളച്ച് ലോറിയില് കൊണ്ടുപോയി.
