തിരുവനന്തപുരം: ഡോ.ഷഹ്നയുടെ ആത്മഹത്യയിൽ പ്രതി റുവൈസിന്റെ തെളിവെടുപ്പ് ഇന്ന് നടന്നേക്കും. ഇന്നലെയാണ് റുവൈസിനെ അഞ്ച് ദിവസത്തെ പോലീസ് കസ്റ്റഡിയിൽ വിട്ടത്. ഇതിന് ശേഷം അന്വേഷണ സംഘം ഇന്നലെ പ്രതിയെ വിശദമായി ചോദ്യം ചെയ്തിരുന്നു. ശാസ്ത്രീയ തെളിവുകളുൾപ്പെടെ ശേഖരിക്കുകയാണ് പോലീസ് ലക്ഷ്യം വയ്ക്കുന്നത്.
ഫോറൻസിക് പരിശോധനയ്ക്ക് വേണ്ടി അയച്ച ഫോണിൽ നിന്നുള്ള വിവരങ്ങളും അന്വേഷണസംഘം ശേഖരിക്കും. അതേസമയം റുവൈസിന്റെ പിതാവ് ഒളിവിലാണ്. ഇയാൾക്ക് വേണ്ടിയുള്ള തിരച്ചിൽ പോലീസ് ഊർജ്ജിതമാക്കി. ഇയാളുടെ ബന്ധുവീടുകളിൽ ഉൾപ്പെടെ തിരച്ചിൽ നടത്തി.
റുവൈസിന്റെ കാർ പിടിച്ചെടുത്തിട്ടുണ്ട്. കസ്റ്റഡിയിൽ വാങ്ങി വിശദമായി ചോദ്യം ചെയ്യാനാണ് നിക്കം. ഐ.പി.സി 306 (ആത്മഹത്യാ പ്രേരണ), 34 എന്നീ വകുപ്പുകളും, സ്ത്രീധന നിരോധന നിയമപ്രകാരവുമാണ് ഇയാൾക്കെതിരെ കേസെടുത്തിരിക്കുന്നത്. പൊലിസ് റുവൈസിന്റെ ബന്ധുക്കളുടെ വീട്ടിലടക്കം അന്വേഷണം നടത്തിയെങ്കിലും പിതാവിനെ കണ്ടെത്താനായില്ല.
