അടുത്തിടെ നടന്ന സിനിമാകുടുംബത്തിലെ വിശേഷങ്ങളിലൊന്നായിരുന്നല്ലോ നടന് ജയറാമിന്റെ മക്കളുടെ വിവാഹ നിശ്ചയ വിശേഷങ്ങള്. നീലഗിരി സ്വദേശിയായ മോഡല് തരിണി കലിംഗരായരാണ് കാളിദാസിന്റെ വധു. പാലക്കാട് സ്വദേശിയും യു.കെയില് ചാര്ട്ടേഡ് അക്കൗണ്ടന്റായ നവനീത് ഗിരീഷാണ് മാളവികയെ വിവാഹം കഴിക്കുന്നത്. നിശ്ചയം പൊടിപൊടിച്ചു. വിവാഹനിശ്ചയത്തിന്റെ വീഡിയോകള് സമൂഹമാധ്യമങ്ങളില് ഇപ്പോഴും വൈറലായി തുടരുകയാണ്.
https://www.instagram.com/p/Cz1UjzVvaFI/
വിവാഹ നിശ്ചയ വീഡിയോകള് ദൃശ്യമനോഹാരിതകൊണ്ട് നിറഞ്ഞതായിരുന്നു. അടുത്തടുത്ത് നടന്ന ഈ വിവാഹ നിശ്ചയ ചടങ്ങുകള്ക്ക് മുന്നിലും പിന്നിലും ചുക്കാന് പിടിച്ചത് മലയാളികളുടെ പ്രിയ നടി അപര്ണാ ബാലമുരളിയാണ്. എന്താ ഞെട്ടിയോ… അപര്ണാ ബാലമുരളിയും സുഹൃത്ത് മഹേഷ് രാജനും നേതൃത്വം നല്കുന്ന ഈവന്റ് പ്ലാനിങ് കമ്പനിയായ എലീസ്യന് ഡീംസ്കേപ്പ്സ് ആണ് ഈ ചടങ്ങുകള് മനോഹരമാക്കിയത്.
https://www.instagram.com/p/C0oicOOvzuX/
‘ഈ യാത്രയില് നിങ്ങളോടൊപ്പം പങ്കുചേര്ന്നതില് സന്തോഷമുണ്ടെന്ന്’ അപര്ണയുടെ ഇന്സ്റ്റാഗ്രാമില് പങ്കുവെച്ചതോടെയാണ് ആരാധകര് അപര്ണയുടെ പുതിയ രംഗപ്രവേശത്തെക്കുറിച്ച് അറിയുന്നത്.
‘ഈ യാത്രയില് നിങ്ങളോടൊപ്പം പങ്കുചേര്ത്തതില് നന്ദിയും സന്തോഷവുമുണ്ട്. വെറുതേ ഒരു പരിപാടി നടത്തുക എന്നതിലുപരി ഞങ്ങളെ തേടിയെത്തുന്ന ഓരോ അവസരത്തിലും വികാരങ്ങളും സ്നേഹവും നെയ്തെടുക്കാനാണ് എലീസ്യന് ഡ്രീംസ്കേപ്പ്സ് ശ്രമിക്കുന്നത്.’അപര്ണ ഇന്സ്റ്റഗ്രാമില് കുറിച്ചു.
വിവാഹ നിശ്ചയ വേളയില് അരങ്ങത്ത് മാത്രമല്ല അണിയറയിലും അപര്ണയുടെ സാന്നിധ്യത്താല് നിറവാര്ന്നതായിരുന്നു. പാര്ട്ടിയില് സുശിന് ശ്യാം ഒരുക്കിയ സംഗീതവിരുന്നില് ഗാനം ആലപിച്ചിരുന്നു. ഇത് പിന്നീട് വൈറലാവുകയും ചെയ്തു.
https://www.instagram.com/p/Cz_n_HxvUBO/
”ആഹ്ലാദകരമായ സംഭവങ്ങളുടെ ഭംഗി കേവലം അലങ്കാരങ്ങളിലോ അതിഗംഭീരമായ ആഘോഷങ്ങളിലോ മാത്രമല്ല, അവ സൃഷ്ടിക്കുന്ന സ്നേഹത്തിലും ബന്ധത്തിലും പ്രിയപ്പെട്ട ഓര്മകളിലുമാണ്. കലാകാരന്മാര് എന്ന നിലയില്, നിങ്ങളുടെ ജീവിതത്തിലെ പ്രധാന ദിവസം ആ മാന്ത്രികത, ഹൃദയംഗമമായ ചിരി, സന്തോഷകരമായ കണ്ണുനീര്, കുടുംബങ്ങളെയും സുഹൃത്തുക്കളെയും ബന്ധിപ്പിക്കുന്ന സ്നേഹത്തിന്റെ തൂവല്സ്പര്ശം എന്നിവയാല് സന്നിവേശിപ്പിക്കുക എന്നത് മഹേഷിന്റെയും എന്റെയും പാഷന് പ്രോജക്റ്റാണ്. നിങ്ങളുടെ സ്വപ്നങ്ങളുടെ കാന്വാസ് വരയ്ക്കുന്ന ഓരോ നിമിഷവും അഭൗമ സൗന്ദര്യത്തോടെ വരച്ചുചേര്ക്കുക എന്നതാണ് എലീസ്യന് ഡ്രീംസ്കേപ്പ്സിന്റെ ലക്ഷ്യം”.-അപര്ണ ഇന്സ്റ്റാഗ്രാമില് കുറിക്കുന്നു.
