കാസര്‍കോട്: കാസര്‍കോട് വിദ്യാഭ്യാസ ജില്ലയിലെ സ്‌കൂളുകള്‍ക്ക് വെളളിയാഴ്ച അവധി പ്രഖ്യാപിച്ചു. ജില്ലാ സ്‌കൂള്‍ കലോത്സവം പ്രമാണിച്ചാണ് അവധി.
ഡെപ്യൂട്ടി ഡയറക്ടര്‍ ഓഫ് എജ്യുക്കേഷനാണ് അവധി പ്രഖ്യാപിച്ച ഉത്തരവ് ഇറക്കിയത്. കാസര്‍കോട് വിദ്യാഭ്യാസ ജില്ലയ്‌ക്ക് കീഴിലെ സ്‌കൂളുകള്‍ക്കാണ് അവധി.
എറണാകുളം ജില്ലയിലെ വിവിധ സ്‌കൂളുകള്‍ക്കും വെളളിയാഴ്ച അവധി പ്രഖ്യാപിച്ചിട്ടുണ്ട്. നവകേരള സദസിനോടനുബന്ധിച്ചാണ് എറണാകുളത്തെ വിവിധ സ്‌കൂളുകള്‍ക്ക് അവധി നല്‍കിയിട്ടുളളത്.എറണാകുളം, വൈപ്പിന്‍, കൊച്ചി,കളമശേരി മണ്ഡലങ്ങളിലെ സ്‌കൂളുകള്‍ക്കാണ് എറണാകുളം ജില്ലാ കളക്ടര്‍ നാളെ അവധി പ്രഖ്യാപിച്ചത്.
