പാരീസ് : മധ്യ പാരീസിലെ ഒരു തെരുവില് കത്തിയും ചുറ്റികയും ഉപയോഗിച്ചുളള ആക്രമണത്തില് ഒരാള് മരിക്കുകയും ഒരു ബ്രിട്ടീഷുകാരന് ഉള്പ്പെടെ രണ്ട് പേര്ക്ക് പരിക്കേല്ക്കുകയും ചെയ്തു.ഈഫല് ടവറിന് സമീപമായിരുന്നു ആക്രമണം.
സംഭവത്തില് 26 കാരനായ ഫ്രഞ്ച് പൗരനെ അറസ്റ്റ് ചെയ്തു. പൊലീസ് അന്വേഷണം ആരംഭിച്ചു.
നഴ്സായി ജോലി ചെയ്തിരുന്ന ജര്മ്മന് വിനോദസഞ്ചാരി ആണ് കൊല്ലപ്പെട്ടത്.കൊല്ലപ്പെട്ടയാള്ക്കൊപ്പം ഭാര്യയും ഉണ്ടായിരുന്നെങ്കിലും ഒരു ടാക്സി ഡ്രൈവറുടെ ഇടപെടലാണ് ഭാര്യയുടെ ജീവന് രക്ഷിച്ചതെന്ന് ഫ്രഞ്ച് ആഭ്യന്തര മന്ത്രി ജറാള്ഡ് ജര്മാനിന് പറഞ്ഞു. കൊലയാളിയെന്ന കുതുന്നയാള് സമീപത്തെ സീന് നദിക്ക് കുറുകെയുള്ള പാലത്തിലൂടെ ഓടി രക്ഷപ്പെട്ടെന്നും അദ്ദേഹം പറഞ്ഞു.
നദിയുടെ വടക്ക് ഭാഗത്തേക്ക് കടന്ന ശേഷം ഇയാള് രണ്ട് പേരെ കൂടി ആക്രമിച്ചു. 66 കാരനായ ബ്രിട്ടീഷുകാരന്റെ കണ്ണില് ചുറ്റിക കൊണ്ട് അടിക്കുകയും ചെയ്തു.സംശയിക്കുന്നയാളെ പിന്നീട് പൊലീസ് അറസ്റ്റ് ചെയ്തു.
