തൃശൂര് : നടനും ബി ജെ പി നേതാവുമായ സുരേഷ് ഗോപിയുടെ പരിപാടിക്കിടെ ആത്മഹത്യാശ്രമം നടത്തി യുവാവ്. കൂര്ക്കഞ്ചേരിക്ക് സമീപം സംഘടിപ്പിച്ച കോഫി വിത്ത് എസ് ജി പരിപാടിക്കിടെയായിരുന്നു ഇത്.
തളിക്കുളം സ്വദേശി സുരേഷ് (43) ആണ് ശരീരത്തില് മണ്ണെണ്ണ ഒഴിച്ച് ആത്മഹത്യക്ക് ശ്രമിച്ചത്. ഉടന് തന്നെ ബി.ജെ.പി പ്രവര്ത്തകര് ഇയാളെ പിടികൂടി പൊലീസില് ഏല്പ്പിച്ചു. പരിപാടി നടന്ന കെട്ടിടത്തില് വാടകയ്ക്ക് താമസിക്കുകയാണ് യുവാവ്.
സാമ്പത്തിക പ്രശ്നങ്ങളാണ് ആത്മഹത്യാ ശ്രമത്തിന് കാരണമെന്നാണ് സൂചന. കെട്ടിടം പണിതത് ഇയാളാണെന്നും ഇതിലുളള കടബാധ്യതയാണ് ആത്മഹത്യാശ്രമത്തിന് പിന്നിലെന്നുമാണ് വിവരം.
