മലപ്പുറം: റേഷൻ വിതരണം ചെയ്തതിന്റെ കമ്മിഷൻ കുടിശിക ലഭിക്കുന്നതിനായി നവകേരള സദസ്സ് വേദികളിൽ പരാതിയുമായി റേഷൻ വ്യാപാരികൾ. നവകേരള സദസ്സിനിടെ ധനകാര്യ മന്ത്രിയെ നേരിട്ട് കണ്ട് പരാതി പറഞ്ഞിട്ടും പരിഹാരമായില്ലെന്ന് വ്യാപാരികൾ പറയുന്നു.
റേഷൻ വ്യാപാരികൾക്ക് ലഭിക്കേണ്ട വേതനം തുടർച്ചയായി മുടങ്ങുകയും കഴിഞ്ഞ മാസത്തെ കമ്മീഷൻ ഇതുവരെ ലഭിക്കാതെയിരിക്കുകയും ചെയ്തതോടെയാണ് സംസ്ഥാന വ്യാപകമായി പരാതി നൽകാൻ തീരുമാനിച്ചത്. മഞ്ചേശ്വരം മുതൽ നവകേരള സദസ്സ് വേദികളിൽ റേഷൻ വ്യാപാരികൾ പരാതി നൽകിയിട്ടുണ്ട്.
അതേസമയം നവകേരള സദസ്സിന്റെ മലപ്പുറം ജില്ലയിലെ പര്യടനം ഇന്ന് പൂർത്തിയാകും.
ഏറനാട് മണ്ഡലത്തിലാണ് ആദ്യ പരിപാടി. ഉച്ചയ്ക്കുശേഷം നിലമ്പൂർ, വണ്ടൂർ, പെരിന്തൽമണ്ണ മണ്ഡലങ്ങളിൽ നവ കേരള സദസ്സ് നടക്കും. പ്രതിപക്ഷ സംഘടനകളുടെ പ്രതിഷേധം കണക്കിലെടുത്ത് സുരക്ഷ വർധിപ്പിച്ചിട്ടുണ്ട്. ഏറനാട് മണ്ഡലത്തിലാണ് ആദ്യ പരിപാടി. ഉച്ചയ്ക്കുശേഷം നിലമ്പൂർ, വണ്ടൂർ, പെരിന്തൽമണ്ണ മണ്ഡലങ്ങളിൽ നവ കേരള സദസ്സ് നടക്കും. പ്രതിപക്ഷ സംഘടനകളുടെ പ്രതിഷേധം കണക്കിലെടുത്ത് സുരക്ഷ വർധിപ്പിച്ചിട്ടുണ്ട്.
