കൊച്ചി: കൊച്ചി ശാസ്ത്ര സാങ്കേതിക സര്വകലാശാലയില്(കുസാറ്റ്) ടെക് ഫെസ്റ്റിനിടെ തിക്കിലും തിരക്കിലും നാല് വിദ്യാര്ത്ഥികള് മരിച്ചു. രണ്ട് ആണ്കുട്ടികളും രണ്ട് പെണ്കുട്ടികളുമാണ് മരിച്ചത്. 50 ല് പരം വിദ്യാര്ത്ഥികള്ക്ക് പരിക്കേറ്റിട്ടുണ്ട്.രാത്രി ഏഴ് മണിയോടെയാണ് അപകടം ഉണ്ടായത്.
പത്ത് വിദ്യാര്ത്ഥികളുടെ നില ഗുരുതരമാണ്.ഇതില്രണ്ട് പേരുടെ നില അതീവ ഗുരുതരമാണ്.
തിക്കിലും തിരക്കിലും കുഴഞ്ഞുവീണാണ് ഭൂരിഭാഗം പേര്ക്കും പരിക്കേറ്റതെന്നാണ് വിവരം. ടെക് ഫെസ്റ്റിനോടനുബന്ധിച്ച് പ്രശസ്ത നികിത ഗാന്ധിയുടെ ഗാനമേള നടക്കവെയാണ് അപകടം ഉണ്ടായത്. ടെക് ഫെസ്റ്റിന്റെ സമാപന ദിവസമായിരുന്നു ഇന്ന്.
ഓഡിറ്റോറിയത്തില് നിരവധി വിദ്യാര്ത്ഥികളുണ്ടായിരുന്നത്. നൃത്തം ചെയ്ത് ആഘോഷമായി വിദ്യാര്ത്ഥികളടക്കമുള്ളവര് പരിപാടി ആസ്വദിക്കവെ മഴ പെയ്യുകയും ഓഡിറ്റോറിയത്തിന് പുറത്തുണ്ടായിരുന്നവര് അകത്തേക്ക് ഇരച്ചുകയറുകയും ചെയ്തു. സര്വകലാശാലയിലെ ഓഡിറ്റോറിയത്തിലായിരുന്നു പരിപാടി സംഘടിപ്പിച്ചിരുന്നത്. പാസ് മൂലം പ്രവേശനം നിയന്ത്രിച്ചിരുന്നെങ്കിലും മഴ വന്നതോടെ ആള്ക്കാര് ഇരച്ചു കയറിയതോടെ കാര്യങ്ങള് കൈവിടുകയായിരുന്നു.
പരിക്കേറ്റവരെ തൊട്ടടുത്ത കളമശേരി മെഡിക്കല് കോളേജ് ആശുപത്രിയിലേക്ക് എത്തിച്ചെങ്കിലും അപ്പോഴേക്കും നാല് പേര് മരിച്ചിരുന്നു. പരിക്കേറ്റവരെല്ലാം വിദ്യാര്ത്ഥികളാണെന്നാണ് കരുതുന്നത്.
