വയനാട് : മാനന്തവാടിയില് മുഖ്യമന്ത്രിക്ക് നേരെ കരിങ്കൊടി കാട്ടാന് ശ്രമിച്ച കോണ്ഗ്രസ്, യൂത്ത് കോണ്ഗ്രസ് നേതാക്കളെ അറസ്റ്റ് ചെയ്തു. മാനന്തവാടി ബ്ലോക്ക് കോണ്ഗ്രസ് പ്രസിഡന്റ് എ.എം. നിഷാന്ത്, യൂത്ത് കോണ്ഗ്രസ് മാനന്തവാടി നിയോജക മണ്ഡലം പ്രസിഡന്റ് അസീസ് വാളാട്, യൂത്ത് കോണ്ഗ്രസ് മാനന്തവാടി നിയോജക മണ്ഡലം ജനറല് സെക്രട്ടറി ഷംസീര് അരണപ്പാറ എന്നിവരടക്കമുളളവരെയാണ് അറസ്റ്റ് ചെയ്തത്.
നവകേരള സദസിനുളള സുരക്ഷ ഏര്പ്പെടുത്തുന്നതിന്റെ ഭാഗമായി വയനാട് പനമരം, കമ്പളക്കാട്, വെള്ളമുണ്ട പൊലീസ് സ്റ്റേഷനുകളില് യൂത്ത് കോണ്ഗ്രസ് പ്രവര്ത്തകരെ കരുതല് തടങ്കലിലാക്കി. പനമരത്ത് റോഡില് പ്രതിഷേധിച്ച യൂത്ത് കോണ്ഗ്രസ്, യൂത്ത് ലീഗ് പ്രവര്ത്തകരെ അറസ്റ്റ് ചെയ്തു മാറ്റി.
പനമരം കൈതക്കലില് മുഖ്യമന്ത്രിയുടെ വാഹനം കടന്നുപോകുന്ന വഴിയില് ലീഗ് പ്രവര്ത്തകരും ഡി.വൈ.എഫ്.ഐ. പ്രവര്ത്തകരും തമ്മില് സംഘര്ഷം ഉണ്ടായി. കരിങ്കൊടി കാട്ടാന് വിന്ന ലീഗ് പ്രവര്ത്തകരെ പൊലീസ് അറസ്റ്റ് ചെയ്ത് നീക്കി.
