ശബരിമലയ്‌ക്ക് ചുറ്റും കണ്ടിരിക്കേണ്ട സ്ഥലങ്ങള്‍ ഏതൊക്കെയാണ്? കേരളത്തിന് പുറത്തുള്ള അയ്യപ്പന്മാര്‍ ഈ കേന്ദ്രങ്ങളും യാത്രയുടെ ഭാഗമാക്കുന്നു

ശബരിമലയിലേക്ക് ഇനി അയ്യപ്പന്‍മാരുടെ തോരാത്ത ഒഴുക്കാണ്. ഭക്തിനിര്‍ഭരമായ ഈ തീര്‍ത്ഥാടനത്തിന് പോയി മടങ്ങുമ്പോള്‍ എളുപ്പത്തില്‍ കാണാന്‍ കഴിയുന്ന ചില ടൂറിസ്റ്റ് കേന്ദ്രങ്ങള്‍ ഉണ്ട്. കേരളത്തിന് പുറത്തുനിന്നുള്ള അയ്യപ്പന്മാര്‍ ഇത്തരം കേന്ദ്രങ്ങളിലെ സന്ദര്‍ശനം ശബരിമല യാത്രയ്‌ക്കൊപ്പം ചേര്‍ത്തുവെയ്‌ക്കുന്നു. ശബരിമലയ്‌ക്ക് ചുറ്റുമുള്ള ടൂറിസ്റ്റ് കേന്ദ്രങ്ങള്‍ ഏതൊക്കെ?

പന്തളം കൊട്ടാരം

ചരിത്രമനുസരിച്ച് അയ്യപ്പൻ ജനിച്ച് വളർന്ന സ്ഥലമായാണ് പന്തളം അറിയപ്പെടുന്നത്. ശബരിമല ക്ഷേത്രത്തിന് സമാനമായി പന്തളം രാജാവ് പണികഴിപ്പിച്ച വലിയ കോയിക്കൽ ക്ഷേത്രം സഞ്ചാരികൾക്ക് ഇവിടെ കാണാം. അച്ചൻകോവിൽ നദിയുടെ തീരത്ത് നിർമ്മിച്ചിരിക്കുന്ന ഈ ക്ഷേത്രം ശബരിമലയ്‌ക്ക് സമീപമുള്ള ഒരു പ്രധാന തീർത്ഥാടന കേന്ദ്രമാണ്. ചെങ്ങന്നൂർ റെയിൽവേ സ്റ്റേഷനില്‍ നിന്നും അടുത്താണ് ഈ ക്ഷേത്രം.

ത്രിവേണി സംഗമം

ശബരിമലയിലേക്കുള്ള വഴിയിലാണ് ത്രിവേണി സംഗമം. പമ്പാനദി വടക്കുവശത്ത് മണിമണലയാറുമായും തെക്കുവശത്ത് അച്ചന്‍കോവിലാറുമായും കൂടിച്ചേരുന്നതിവിടെയാണ്.

കോന്നി ആനക്കൂട്

പത്തനംതിട്ട ജില്ലയില്‍ അച്ചന്‍കോവിലാറിന്റെ തീരത്ത് സ്ഥിതി ചെയ്യുന്ന സുന്ദരമായ ഒരു സ്ഥലമാണ് കോന്നി. ഇടതൂര്‍ന്ന മഴക്കാടുകളാണ് പ്രത്യേകത. അച്ചന്‍കോവിലാറിന്റെ സാന്നിധ്യവും പ്രധാനം. ഇവിടുത്തെ ആന ക്യാമ്പ് അറിയപ്പെടുന്ന കേന്ദ്രമാണ്.

കക്കി റിസർവോയർ

പത്തനംതിട്ട ജില്ലയിൽ സ്ഥിതി ചെയ്യുന്ന ഒരു ജലസംഭരണിയാണ് കക്കി റിസർവോയർ. കക്കി ഡാമും ആനത്തോട് ഡാമും നിർമ്മിച്ചപ്പോൾ സൃഷ്ടിക്കപ്പെട്ടതാണ് തടാകം.

അച്ചൻകോവിലാറ്

പുണ്യനദിയായ പമ്പയുടെ ഒരു പോക്ഷക നദിയാണ് അച്ചൻകോവിലാറ്. കേരളത്തിലേ ഏറെ പ്രശസ്തമായ നദികളിൽ ഒന്നാണിത്. .

പാർത്ഥസാരഥി ക്ഷേത്രം

ശബരിമലയ്‌ക്ക് സമീപമുള്ള പ്രശസ്തമായ ഒരു തീര്‍ത്ഥാടന കേന്ദ്രമാണ് പാർത്ഥസാരഥി ക്ഷേത്രം. അർജ്ജുനൻ സ്ഥാപിച്ചതാണ് ഈ ക്ഷേത്രമെന്നതിനാലാണ് ഈ പേര്. പാർത്ഥസാരഥി ക്ഷേത്രത്തിന് ചുറ്റുമുള്ള മനോഹരമായ പ്രകൃതിദൃശ്യം മനംമയക്കുന്നതാണ്.

ഗവി

വനത്തിന്റെ സൗന്ദര്യം ആവോളം നുകർന്ന് സഞ്ചാരികൾക്ക് ഏറെ ആസ്വദിക്കാൻ പറ്റുന്ന ഇടങ്ങളിലൊന്നാണ് ഗവി. മഞ്ഞ് മൂടി നിൽക്കുന്ന കാട്ടുവഴി മാത്രമല്ല യാത്രയിലുടനീളം അരുവികളും വന്യമൃഗങ്ങളുമെല്ലാം യാത്രക്കാർക്ക് വിസ്മയിപ്പിക്കുന്ന കാഴ്ചയൊരുക്കി നിൽക്കുന്നുണ്ടാകും.ഓൺലൈനിൽ രജിസ്റ്റർ ചെയ്യുന്ന മുപ്പത് വാഹങ്ങൾക്ക് മാത്രമേ ഒരു ദിവസം ഗവിയിൽ പ്രവേശിക്കാൻ അനുവാദമുള്ളൂ.

അടവി ഇക്കോ ടൂറിസം

കല്ലാറിന്റെ തീരത്തെ ഒരു മനോഹരമായ പ്രദേശമാണ് അടവി.ഇവിടുത്തെ പ്രധാന ആകര്‍ഷണം കുട്ടവഞ്ചി യാത്രയാണ്. .നദിയിലൂടെ 5-കി.മീ പ്രകൃതിയെ അറിഞ്ഞ് സഞ്ചരിക്കാനുള്ള അവസരമുണ്ട്. അടവി ഇവിടെ മണ്ണീറ വെള്ളച്ചാട്ടം അവിസ്മരണീയ അനുഭവം സമ്മാനിക്കും.

പെരുന്തേനരുവി വെള്ളച്ചാട്ടം

പത്തനംതിട്ട നഗരത്തില്‍ നിന്ന് 36 കിലോമീറ്റര്‍ അകലെ റാന്നിക്ക് സമീപം സ്ഥിതി ചെയ്യുന്ന മനോഹരമായ വെള്ളച്ചാട്ടമാണ് പെരുന്തേനരുവി. കോട്ടയം ജില്ലയിലെ എരുമേലിയില്‍ നിന്ന് 10 കിലോമീറ്റര്‍ അകലെയാണിത്.