തിരുവനന്തപുരം: കേരളത്തില് എയര് ഫൈബര് സേവനങ്ങള്ക്ക് തുടക്കമിട്ട് ജിയോ. തിരുവനന്തപുരം നഗരത്തിലാണ് നിലവില് സേവനങ്ങള് ലഭ്യമാകുന്നത്.
ജിയോ എയര് ഫൈബര് പ്ലാനില് 30 എംബിപിഎസ് സ്പീഡില് അണ്ലിമിറ്റഡ് ഡാറ്റ 599 രൂപയ്ക്ക് ലഭിക്കും. കൂടാതെ 100 എംബിപിഎസ് സ്പീഡില് 899 രൂപയുടെയും 1199 രൂപയുടെയും പ്ലാനുകള് ലഭ്യമാണ്. 1199 രൂപയുടെ പ്ലാനില് നെറ്റ്ഫ്ളിക്സ്, ആമസോണ് പ്രൈം, ജിയോ സിനിമ പ്രീമിയം ഉള്പ്പെടെ 17 ഒടിടി പ്ലാറ്റുഫോമുകള് ലഭ്യമാകും. മറ്റ് രണ്ട് പ്ലാനുകളിലും 14 ഒടിടി ആപ്പുകള് ലഭ്യമാണ്.
രാജ്യത്തുടനീളം അതിവേഗ ഇൻ്റർനെറ്റ് ലഭ്യമാക്കുകയെന്ന ലക്ഷ്യത്തോടെയാണ് എയര് ഫൈബര് സേവനങ്ങള് ആരംഭിച്ചത്. ഇന്ത്യയിലുടനീളം 1.5 ദശലക്ഷം കിലോമീറ്ററിലധികം വ്യാപിച്ചുകിടക്കുന്നതാണ് ജിയോയുടെ ഒപ്റ്റിക്കല് ഫൈബര് ഇന്ഫ്രാസ്ട്രക്ചര്. എന്നാല് ഉള്പ്രദേശങ്ങളില് ഒപ്റ്റിക്കല് ഫൈബര് എത്തിക്കുന്നതിലെ സങ്കീര്ണതകളെ മറികടക്കാന് ജിയോ എയര് ഫൈബറിലൂടെ കഴിയുമെന്ന് കമ്പനി പറയുന്നു.
