ഇംഫാല് : മണിപ്പൂര് തലസ്ഥാനമായ ഇംഫാലില് വിമാനത്താവളത്തിന് സമീപം അജ്ഞാത ഡ്രോണുകളുടെ സാന്നിധ്യം. ഇതേ തുടര്ന്ന് ഇംഫാലിലും പരിസരത്തെയും വ്യോമപാത അടച്ചു. കനത്ത ജാഗ്രതയിലാണ് പൊലീസ്.
ഞായറാഴ്ച ഉച്ചയ്ക്കാണ് അജ്ഞാത ഡ്രോണുകളുടെ സാന്നിധ്യം കണ്ടെത്തിയതെന്നാണ് സൂചന. വ്യോമപാത അടച്ചത്തോടെ വിമാന സര്വീസുകള് തടസപ്പെട്ടു. ഇംഫാലിലേക്കും തിരിച്ചുമുള്ള ചില വിമാനങ്ങള് റദ്ദാക്കി.
ഇംഫാലിലേക്ക് വന്ന ചില വിമാനങ്ങളെ തിരിച്ചുവിട്ടതായും അധികൃതര് അറിയിച്ചു. കലാപത്തെ തുടര്ന്ന് മണിപ്പൂരില് സര്ക്കാര് ഇന്റര്നെറ്റ് നിരോധനം ഈ മാസം 23 വരെ നീട്ടിയിട്ടുണ്ട്.
