മുംബയ് : ന്യൂസിലാണ്ടിന്റെ ഏഴ് ബാറ്റ്സ്മാന്മാരെ പുറത്താക്കി ഇന്ത്യയെ ലോകകപ്പ് സെമി ഫൈനലില് എത്തിക്കുന്നതില് മുഖ്യപങ്കു വഹിച്ച പേസ് ബൗളര് മൊഹമ്മദ് ഷമിക്ക് ആശംസകള് പ്രവഹിക്കുകയാണ്. ഇതിനിടെ വേര്പിരിഞ്ഞ് കഴിയുന്ന ഭാര്യ ഹസിന് ജഹാനും ഷമിയെ പ്രശംസിച്ച് രംഗത്തെത്തി.
ശുദ്ധമായ സ്നേഹം എന്ന കുറിച്ചാണ് ഹസിന്റെ വിഡിയോ.ഇന്ത്യന് ടീമിന് എല്ലാവിധ ആശംസകളും നേരുന്നുവെന്നും എന്നാല് ഷമിയ്ക്ക് ആശംസ നേരുന്നില്ലെന്നും ഹസിന് ജഹാന് പറഞ്ഞത് ദിവസങ്ങള്ക്ക് മുമ്പാണ്.
സാമൂഹ്യ മാധ്യമങ്ങളില് സജീവമാണ് ഹസിന് ജഹാന്. ‘ലോകം എന്നെ അറിയുന്നത് നിന്റെ പേരില് മാത്രം. നിന്റെ മുഖം കണ്ടാലേ ആളുകള് എന്നെ തിരിച്ചറിയൂ. ”എന്ന ഗാനവും വിഡിയോയിലുണ്ട്. വിഡിയോ വൈറല് ആയതിന് പിന്നാലെയാണ് പലരും ധാരാളം കമന്റുകളുമുണ്ടായി.
കഴിഞ്ഞ ഏഷ്യാ കപ്പിന് തൊട്ടുമുമ്പ് മൊഹമ്മദ് ഷമിക്കെതിരെ ഹസിന് കോടതിയിലെത്തിയിരുന്നു.2014ലാണ് ഇരുവരും വിവാഹിതരായത്.
