ജയ്പൂര്‍: രാജസ്ഥാനില്‍ ബിജെപി അധികാരത്തിലെത്തുമെന്ന് കേന്ദ്രമന്ത്രിയും മുതിര്‍ന്ന ബിജെപി നേതാവുമായ അര്‍ജ്ജുന്‍ റാം മേഘ്വാള്‍. ബിജെപി പ്രകടനപത്രിക പ്രകാശനം ചെയ്തതിനുപിന്നാലെയായിരുന്നു അദ്ദേഹത്തിന്റെ ഈ പ്രതികരണം.
രാജസ്ഥാനെ പുരോഗതിയിലേക്ക് നയിക്കും. രാജസ്ഥാനെ 350 ബില്യണ്‍ ഡോളര്‍ സമ്പദ്വ്യവസ്ഥയാക്കാനാണ് ബിജെപി ആഗ്രഹിക്കുന്നത്.
യുവാക്കള്‍, സ്ത്രീകള്‍, കര്‍ഷകര്‍, തൊഴിലാളികള്‍ എന്നിവര്‍ക്കായി വിവിധ പദ്ധതികളാണ് പ്രകടനപത്രികയില്‍ വാഗ്ദാനം ചെയ്യുന്നത്. പൗരന്മാരുടെ ജീവിതം മെച്ചപ്പെടുത്താന്‍ ലക്ഷ്യമിട്ടുള്ള നിരവധി പദ്ധതികളുണ്ട്. അശോക് ഗെഹ്ലോട്ടിന്റെ നേതൃത്വത്തിലുള്ള കോണ്‍ഗ്രസ് സര്‍ക്കാരിനെതിരെ ഗുരുതരമായ അഴിമതി ആരോപണങ്ങളാണുള്ളത്. ചോദ്യപേപ്പര്‍ ചോര്‍ച്ച കേസുകള്‍ വേഗത്തില്‍ അന്വേഷിക്കാനും കുറ്റക്കാര്‍ക്കെതിരെ കര്‍ശന നടപടി സ്വീകരിക്കാനും പ്രത്യേക അന്വേഷണ സംഘം രൂപീകരിക്കുമെന്നും അദ്ദേഹം അറിയിച്ചു.
പ്രതികരിക്കാൻ ഇവിടെ എഴുതുക: