വടക്കാഞ്ചേരി: നഗരസഭയിലെ കുമ്പളങ്ങാട് ഡിവിഷനില് പുതിയ കുടിവെള്ള പദ്ധതി നാടിന് സമര്പ്പിച്ചു. മുന് എംപി സുരേഷ്ഗോപിയുടെ ഫണ്ട് അനുവദിച്ചാണ് പദ്ധതി യാഥാര്ത്ഥ്യമായത്.
ഉത്സവാന്തരീക്ഷത്തില് നടന്ന ഉദ്ഘാടനം സുരേഷ് ഗോപി നിര്വഹിച്ചു. പദ്ധതിക്കായി കുടിവെള്ള ടാങ്ക് നിര്മ്മിക്കാന് സ്ഥലം സൗജന്യമായി വിട്ടു നല്കിയ സരോജിനി ഉണ്ണികൃഷ്ണന് എന്ന വീട്ടമ്മയെ അദ്ദേഹം പ്രത്യേകം അഭിനന്ദിച്ചു. നിര്ധന കുടുംബമായ സരോജിനിയുടെ മകളുടെ കല്യാണത്തിന് ഒരു ലക്ഷം രൂപ സഹായധനം സമ്മാനമായി നല്കുമെന്ന് സുരേഷ് ഗോപി പ്രഖ്യാപിച്ചു. കുടിവെള്ള പദ്ധതി യാഥാര്ത്ഥ്യമാക്കാന് കക്ഷി രാഷ്ട്രീയത്തിനതീതമായ ഇടപെടല് നടത്തി പ്രവര്ത്തിച്ച മുനിസിപ്പല് ചെയര്മാന് മറ്റ് ഉദ്യോഗസ്ഥര് തുടങ്ങി എല്ലാവര്ക്കും നന്ദി രേഖപ്പെടുത്തുന്നതായും അദ്ദേഹം അറിയിച്ചു.
സുരേഷ് ഗോപിയെത്തിയതറിഞ്ഞ് വന് ജനാവലിയാണ് കുമ്പളങ്ങാട് എത്തിയിരുന്നത്. ഡിവിഷന് കൗണ്സിലര് കവിത കൃഷ്ണനുണ്ണി അധ്യക്ഷത വഹിച്ചു. ബിജെപി ജില്ലാ പ്രസിഡന്റ് അഡ്വ.കെ.കെ. അനീഷ് കുമാര്, വടക്കാഞ്ചേരി മണ്ഡലം പ്രസിഡന്റ് നിത്യ സാഗര്, എസ്. രാജു, കെ.കെ. സുരേഷ്, കൃഷ്ണനുണ്ണി. ഇ, റെജു കെ.എന്, ഭാസ്കരന്, ഗിരീഷ് കെ ജി, ജിജി സത്യന്, ദാമോദരന് പി.കെ, രഞ്ജിത്ത് കെ.കെ, ശശികുമാര്, സെക്രട്ടറി അനില് കുമാര്, കൃഷ്ണകുമാര് കുമരനെല്ലൂര് എന്നിവര് പങ്കെടുത്തു.
