കണ്ണൂർ: കണ്ണൂർ കോളയാട് പെരുവയിൽ കൃഷിയിടത്തിൽ കാട്ടാന പ്രസവിച്ചു. പാറക്കുണ്ട് കോളനിയിലെ ജയന്റെ കവുങ്ങിൻ തോട്ടത്തിലായിരുന്നു കാട്ടാന പ്രസവിച്ചത്. ഇന്നലെയായിരുന്നു സംഭവം. നെടുമ്പൊയിലിലെ വനം വകുപ്പ് ജീവനക്കാരെത്തി കാട്ടാനക്കൂട്ടത്തെ വനത്തിലേക്ക് തുരത്തുകയായിരുന്നു.
ആനക്കുട്ടിക്ക് ശരിയായ രീതിയിൽ നടക്കാൻ കഴിയുന്നത് വരെയും കാട്ടാനക്കൂട്ടം പ്രദേശത്ത് തമ്പടിക്കാൻ സാധ്യതയുള്ളതായി വനം വകുപ്പ് ഉദ്യോഗസ്ഥർ പറയുന്നു.
