കൊച്ചി: കോഴിക്കോട് ചേളന്നൂര് ശ്രീനാരായണഗുരു കോളേജ് ഒഫ് അഡ്വാന്സ്ഡ് സ്റ്റഡീസ് യൂണിയന് ഇലക്ഷനില് കൗണ്സിലറായി മത്സരിച്ച എസ്എഫ്ഐ നേതാവ് എസ്.എം. ആദര്ശിന്റെ സ്ഥാനാര്ത്ഥിത്വം ഹൈക്കോടതി റദ്ദാക്കി.
പരീക്ഷയില് തോറ്റത് മറച്ചുവച്ച് ആദര്ശ് ഇലക്ഷനില് മത്സരിക്കുന്നത് ചോദ്യംചെയ്ത് കെഎസ്യു ജില്ലാ കമ്മിറ്റിക്കുവേണ്ടി റോഷിന് റഷീദ്, വൈഷ്ണ എന്നിവര് നല്കിയ ഹര്ജിയില് ജസ്റ്റിസ് ടി.ആര്. രവിയാണ് വിധിപറഞ്ഞത്. മത്സരിക്കുന്ന വിദ്യാര്ത്ഥികള് പരീക്ഷയില് നിര്ബന്ധമായും ജയിച്ചിരിക്കണമെന്ന് വ്യവസ്ഥയുണ്ട്. എംകോം വിദ്യാര്ത്ഥിയായ ആദര്ശിന്റെ രണ്ടാംസെമസ്റ്റര് പരീക്ഷാഫലം പരിശോധിക്കാന് നാമനിര്ദ്ദേശപത്രികയുടെ സൂക്ഷ്മപരിശോധന നടക്കുന്ന സമയത്ത് കെഎസ്യു പ്രവര്ത്തകര് ആവശ്യപ്പെട്ടിരുന്നു. എന്നാല് അധികൃതര് തയാറായില്ലെന്ന് ഹര്ജിക്കാര് പറയുന്നു. തുടര്ന്നാണ് ഹൈക്കോടതിയെ സമീപി
ച്ചത്.
