അഹമ്മദാബാദ്: ലീഗ് ഘട്ടത്തിലെ അവസാന മത്സരത്തില് ദക്ഷിണാഫ്രിക്കയ്ക്ക് അഫ്ഗാനിസ്ഥാനെതിരെ 5 വിക്കറ്റ് വിജയം. അഫ്ഗാന് ഉയര്ത്തിയ 245 റണ്സ് എന്ന വിജയലക്ഷ്യം ദക്ഷിണാഫ്രിക്ക രണ്ടു ഓവറും മൂന്ന് പന്തും ശേഷിക്കെ മറികടന്നു.
ദക്ഷിണാഫ്രിക്കയ്ക്ക് വേണ്ടി വാന് ഡെ ഡുസന് പുറത്താകാതെ 76 റണ്സ് നേടി.ഡികോക്ക് 41 റണ്സെടുത്തപ്പോള് ഫെലുക്വായോ പുറത്താകാതെ 39 റണ്സ് നേടി.
ആദ്യം ബാറ്റു ചെയ്ത അഫ്ഗാനിസ്ഥാന് 50 ഓവറില് 244 റണ്സിന് പുറത്തായി. അഫ്ഗാനിസ്ഥാന് വേണ്ടി അസ്മതുള്ള 107 പന്തില് നിന്ന് പുറത്താകാതെ 97 റണ്സ് എടുത്തു. മൂന്ന് സിക്സും ഏഴ് ഫോറും അടങ്ങുന്നതായിരുന്നു അസ്മത്തുള്ളയുടെ ഇന്നിംഗ്സ്.
ദക്ഷിണാഫ്രിക്കന് ബൗളര്മാരില് കോട്സി 44 റണ്സ് വഴങ്ങി നാല് വിക്കറ്റ് എടുത്തു. മഹാരാജും എന്ഡിഡിയും രണ്ട് വിക്കറ്റ് വീതവും നേടി.
