ചങ്ങനാശ്ശേരി: എസ്എന്‍ഡിപി യോഗം ചങ്ങനാശ്ശേരി യൂണിയന്‍ പ്രസിഡന്റ്, ശ്രീനാരായണ സ്മാരക ട്രസ്റ്റ് ചെയര്‍മാന്‍, ശ്രീനാരായണ ബാങ്കേഴ്‌സ് പ്രസിഡന്റ് എന്നീ നിലകളില്‍ പ്രവര്‍ത്തിച്ച കെ.വി. ശശികുമാറിന്റെ ഏഴാം ചരമ വാര്‍ഷിക അനുസ്മരണവും സ്മരണയ്‌ക്കായി ഏര്‍പ്പെടുത്തിയിട്ടുള്ള ഗുരുവന്ദനം അവാര്‍ഡ് വിതരണവും നാളെ നടക്കും.
വൈകിട്ട് മൂന്നിന് ചങ്ങനാശ്ശേരി മതുമൂല എസ്എന്‍ഡിപി യോഗം യൂണിയന്‍ മന്ദിര ഹാളില്‍ നടക്കുന്ന ചടങ്ങില്‍ യൂണിയന്‍ പ്രസിഡന്റ് ഗിരീഷ് കോനാട്ട് അധ്യക്ഷനാകും.
എസ്എന്‍ഡിപി യോഗം അസി. സെക്രട്ടറി പി.എസ്. വിജയന്‍ ഉദ്ഘാടനം നിര്‍വഹിക്കും. ഗുരുവന്ദനം അവാര്‍ഡ് വാഴപ്പള്ളി സുകൃതം ചാരിറ്റബിള്‍ ട്രസ്റ്റിന് പി.എസ്. വിജയന്‍ സമ്മാനിക്കും.
എസ്എന്‍ഡിപി യോഗം കോട്ടയം യൂണിയന്‍ പ്രസിഡന്റ് എം.മധു, ബിജെപി ദേശീയ നിര്‍വ്വാഹക സമിതി അംഗം അഡ്വ. ജി.രാമന്‍ നായര്‍, കോട്ടയം ജില്ലാ പഞ്ചായത്ത് അംഗം മഞ്ജു സുജിത്, കേരള കോണ്‍ഗ്രസ് ഉന്നതാധികാര സമിതി അംഗം വി.ജെ.ലാലി, ബിഡിജെഎസ് സംസ്ഥാന സമിതി അംഗം പി.അനില്‍കുമാര്‍, എസ്എന്‍ഡിപി യോഗം ഡയറക്ടര്‍ ബോര്‍ഡ് അംഗം എന്‍.നടേശന്‍, നിയുക്ത ഡയറക്ടര്‍ ബോര്‍ഡ് അംഗം സജീവ് പൂവത്ത്, എസ്എന്‍എസ്ഇ ട്രസ്റ്റ് ട്രഷറര്‍ ടി.ഡി.രമേശന്‍, എസ്എന്‍എസ് ട്രസ്റ്റ് ട്രഷറര്‍ കെ.എസ്.സോമനാഥ് എന്നിവര്‍ അനുസ്മണ പ്രഭാഷണം നടത്തും.
എസ്എന്‍ഡിപി യോഗം യൂണിയന്‍ സെക്രട്ടറി സുരേഷ് പരമേശ്വരന്‍, യൂണിയന്‍ വൈസ് പ്രസിഡന്റ് പി.എം.ചന്ദ്രന്‍ എന്നിവര്‍ സംസാരിക്കും. ഉച്ചകഴിഞ്ഞ് 2.30ന് സ്മൃതി മണ്ഡപത്തില്‍ പുഷ്പാര്‍ച്ചന നടക്കും.
ജന്മഭൂമി ഓണ്‍ലൈന്‍