ന്യൂദല്‍ഹി : ദ്വാരക സെക്ടര്‍ 10-ലെ രാം ലീല മൈതാനിയില്‍ ‘വിജയദശമി’യോടനുബന്ധിച്ച് രാവണന്റെ കോലം കത്തിക്കല്‍ ചടങ്ങില്‍ പ്രധാനമന്ത്രി നരേന്ദ്ര മോദി പങ്കെടുത്തു.
ശ്രീരാമലീല സൊസൈറ്റിയുടെ പതിനൊന്നാമത് രാമലീലയില്‍ മുഖ്യാതിഥിയാണ് മോദി. രാവണദഹനവും അദ്ദേഹം നടത്തും.
വൈകിട്ട് അഞ്ചരയോടെയാണ് പ്രധാനമന്ത്രി വേദിയിലെത്തിയത്. നേരത്തെ രാജ്യത്തെ ജനങ്ങള്‍ക്ക് പ്രധാനമന്ത്രി നരേന്ദ്രമോജി വിജയദശമി ആശംസകള്‍ നേര്‍ന്നിരുന്നു.
രാജ്യതലസ്ഥാനത്ത് രാവണദഹനത്തിന് മുന്നോടിയായി സുരക്ഷാ ക്രമീകരണങ്ങള്‍ ശക്തമാക്കിയതായി ദല്‍ഹി പൊലീസ് ഇന്ന് രാവിലെ അറിയിച്ചു.
ആയിരത്തോളം പൊലീസുകാരെയും അധിക സേനയെയും നഗരത്തില്‍ വിന്യസിച്ചിട്ടുണ്ടെന്ന് ഡെപ്യൂട്ടി പോലീസ് കമ്മീഷണര്‍ ജോയ് ടിര്‍ക്കി പറഞ്ഞു.
