ട്രെയിന് യാത്രക്കിടെ വ്യത്യസ്ത ഭക്ഷണം കഴിക്കുന്നതിന് അവസരമൊരുക്കുകയാണ് ഐആര്സിടിസിയും ഓണ്ലൈന് ഭക്ഷണ വിതരണക്കാരായ സൊമാറ്റോയും. ഐആര്സിടിസിയുടെ ഇ-കാറ്ററിംഗ് പോര്ട്ടല് വഴിയാണ് ഭക്ഷണം ഓര്ഡര് ചെയ്യേണ്ടത്. ഭക്ഷണമെത്തിക്കുന്ന സേവനം നിര്വഹിക്കുന്നത് സൊമാറ്റോയായിരിക്കും. ഒരേ സമയം ഐആര്സിടിസി, സൊമാറ്റോ എന്നിവയ്ക്ക് ഗുണകരമാകുന്ന രീതിയിലാണ് പദ്ധതി നടപ്പാക്കുന്നത്.
ആദ്യ ഘട്ടത്തില് രാജ്യത്തെ അഞ്ച് പ്രധാനപ്പെട്ട റെയില്വേ സ്റ്റേഷനുകളിലായിരിക്കും ഈ സേവനം ലഭിക്കുക. ന്യൂ ഡല്ഹി, പ്രയാഗ് രാജ്, കാണ്പൂര്, ലക്നൗ, വാരണാസി എന്നിവിടങ്ങളാണ് പദ്ധതിക്കായി തിരഞ്ഞെടുത്തിരിക്കുന്നത്.
യാത്രക്കാര്ക്ക് കൂടുതല് ഭക്ഷണ വിഭവങ്ങള് എത്തിക്കാന് ഐആര്സിടിസിക്ക് ഇതുവഴി സാധിക്കും. ഇതിന് പുറമേ യാത്രക്കാര്ക്കുള്ള ഭക്ഷണ വിതരണം കാര്യക്ഷമമാക്കാനും വ്യത്യസ്തമായ വിഭവങ്ങള് എത്തിക്കാനും ഐആര്സിടിസി പദ്ധതിയിടുന്നുണ്ട്. നവരാത്രിയോടനുബന്ധിച്ച് പ്രത്യേക മെനു ഐആര്സിടിസി പ്രഖ്യാപിച്ചിട്ടുണ്ട്.
വ്രതമെടുക്കുന്ന യാത്രക്കാര്ക്ക് നവരാത്രി താലി ലഭ്യമാക്കും. ഫോണ് വഴിയോ, വാട്സാപ്പ് വഴിയോ, ഫുഡ് ഓണ് ട്രാക്ക് ആപ്പ് വഴിയോ ഇത് ബുക്ക് ചെയ്യാം. ഈ സേവനം നവരാത്രി ആഘോഷങ്ങള് തീരുന്നത് വരെ മാത്രമാകും ലഭ്യമാകുക. ഭക്ഷണം വേണ്ട സമയത്തിന് രണ്ട് മണിക്കൂര് മുമ്പായി ബുക്ക് ചെയ്യണം.
