കോഴിക്കോട്: സ്വകാര്യ ബസുകള്ക്കിടയില്പ്പെട്ട് സ്കൂട്ടര് യാത്രികരായ ദമ്പതികള് മരിച്ചു. കക്കയാട് സ്വദേശി ഷൈജു (43), ഭാര്യ ജീമ എന്നിവരാണ് മരിച്ചത്. കോഴിക്കോട് വേങ്ങേരിയിലാണ് സംഭവം. ദമ്പതികള് സഞ്ചരിച്ച സ്കൂട്ടറിന് മുന്നിലുണ്ടായിരുന്ന സ്വകാര്യ ബസ് പെട്ടെന്ന് ബ്രേക്കിട്ടപ്പോള് പുറകിലേക്ക് മറ്റൊരു ബസ് ഇടിച്ചുകയറുകയായിരുന്നു.
സ്വകാര്യ ബസ് ഡ്രൈവറുടെ അശ്രദ്ധയാണ് അപകടത്തിന് കാരണമായത്. വിദ്യാഭ്യാസ വകുപ്പിലെ ജീവനക്കാരനാണ് ഷൈജു. ബസുകൾക്കിടയിൽപ്പെട്ട് മറ്റൊരു ബൈക്ക് യാത്രക്കാരനും പരിക്കേറ്റു. രണ്ട് ബസുകളിലായി അഞ്ച് യാത്രക്കാരും പരിക്ക് പറ്റിയവരിൽ ഉൾപ്പെടുന്നു. ബസ് ഡ്രൈവർക്കെതിരെ കേസെടുത്ത് ലൈസൻസ് റദ്ദാക്കുന്നതടക്കമുള്ള നടപടികൾ സ്വീകരിക്കുമെന്ന് മോട്ടോർ വാഹനവകുപ്പ് അറിയിച്ചു.
കോഴിക്കോട് നേരത്തെ ബസുകൾക്കിടയിൽപ്പെട്ട് ഇരുചക്രവാഹനയാത്രക്കാർ മരിച്ചിട്ടുണ്ട്.
