തിരുവനന്തപുരം: തലസ്ഥാനത്ത് പ്രസവ വേദനയുമായി എത്തിയ യുവതിക്ക് ചികിത്സ നൽകിയില്ലെന്ന് പരാതി. തിരുവനന്തപുരം നെടുമങ്ങാട് താലൂക്ക് ആശുപത്രിയിലാണ് സംഭവം. ഇന്നലെ രാത്രി പന്ത്രണ്ടരയോടെ ആശുപത്രിയിൽ എത്തിയ യുവതിയെ അരമണിക്കൂറോളം ഡോക്ടറെ കാത്തു നിർത്തിയെന്നാണ് ബന്ധുക്കളുടെ ആരോപണം.
എന്നാൽ ആശുപത്രിയിൽ ഗൈനക്കോളജി ഡോക്ടർ ഉണ്ടായിരുന്നില്ല. ഈ വിവരം രോഗിയെ അറിയിക്കാൻ വൈകിയതായും ബന്ധുക്കൾ പറയുന്നു. ഡ്യൂട്ടിയിലുള്ള നഴ്സുമാർ എസ്എടി ആശുപത്രിയിലേക്ക് പോകാൻ നിർദേശിച്ചതായും, എസ്എടി ആശുപത്രിയിൽ എത്തിയ ഉടൻ യുവതി പ്രസവിച്ചതായും കുടുംബം അറിയിച്ചു.
