ചെന്നൈ: മുന് കേന്ദ്രമന്ത്രിയും ഡിഎംകെ എംപിയുമായ എ. രാജയുടെ അനധികൃത സ്വത്തുക്കള് കണ്ടുകെട്ടി ഇഡി. 55 കോടി രൂപ വിലമതിക്കുന്ന ബിനാമി സ്വത്തുക്കളാണ് ഇഡി പിടിച്ചെടുത്തത്. കേന്ദ്ര വനം പരിസ്ഥിതി മന്ത്രിയായിരിക്കെ അനധികൃതമായി സ്വത്ത് സമ്പാദനം നടത്തിയെന്ന കേസിലാണ് നടപടി.
കോവൈ ഷെല്ട്ടേഴ്സ് പ്രൊമോട്ടേര്സ് ഇന്ത്യാ െ്രെപവറ്റ് ലിമിറ്റഡിന്റെ പേരിലുള്ള സ്വത്തുക്കളാണ് കണ്ടുകെട്ടിയത്. ഇതെല്ലാം എ രാജയുടെതാണെന്ന് ഇഡി വ്യക്തമാക്കുന്നത്. അനധികൃതമായി സ്വത്ത് സമ്പാദനക്കേസുമായി ബന്ധപ്പെട്ട് എ രാജയെ ഇഡി ചോദ്യം ചെയ്തിരുന്നു. ഇതിന്റെ തുടര്ച്ചായിട്ടാണ് നടപടി.
കഴിഞ്ഞ വര്ഷം ഡിസംബറില് രാജയുടെ കോയമ്പത്തൂരില് 45 ഏക്കറോളം വരുന്ന അനധികൃത സ്വത്തുക്കള് കേന്ദ്ര ഏജന്സി കണ്ടുകെട്ടിയിരുന്നു. ജൂണ് ഒന്നിന് കള്ളപ്പണം വെളുപ്പിക്കല് നിരോധന നിയമത്തിന്റെ അഡ്ജുഡിക്കേറ്റിംഗ് അതോറിറ്റി ഉത്തരവിന് അംഗീകാരം നല്കുകയും ചെയ്തിരുന്നു. നിലവില് എ. രാജ നീലഗിരി ലോക്സഭാ സീറ്റില് നിന്നുള്ള ഡിഎംകെയുടെ എംപിയാണ്.
