പാറകളേക്കാള് കൂടുതല് ലോഹങ്ങളുള്ള ഛിന്നഗ്രഹത്തിലേക്ക് പേടകത്തെ അയക്കാന് തയ്യാറെടുത്ത് നാസ. ആയിരം ട്രില്യണ് അല്ലെങ്കില് ഒരു ക്വാഡ്രില്യണ് മൂല്യമുള്ള സൈക്കി എന്ന ഛിന്നഗ്രഹത്തിലേക്ക് സൈക്കി എന്നുതന്നെ പേരുള്ള പേടകത്തെ അയക്കാനൊരുങ്ങുകയാണ് അമേരിക്കന് ബഹിരാകാശ ഏജന്സി. സൈക്കി ഛിന്നഗ്രഹത്തിലേക്ക് സൈക്കി എന്ന് തന്നെ പേരുള്ള പേടകത്തെയാണ് അയക്കുക.
ഒക്ടോബര് 12-ന് രാവിലെ പത്ത് മണിയോടെയാകും സൈക്കിയെ ലക്ഷ്യവെച്ച് ‘സൈക്കി പേടകം’ കുതിക്കുക.ചൊവ്വയ്ക്കും വ്യാഴത്തിനും ഇടയിലുള്ള പ്രധാന ഛിന്നഗ്രഹ വലയത്തിന്റെ പുറംഭാഗത്തായാണ് സൈക്കി ഛിന്നഗ്രഹം സ്ഥിതി ചെയ്യുന്നത്. ആഗോള സമ്പദ് വ്യവസ്ഥയെ മറിക്കടക്കാന് സാധ്യതയുള്ള ആകാശഗോളത്തെ പര്യവേക്ഷണം ചെയ്യുകയാണ് ദൗത്യത്തിന്റെ ലക്ഷ്യമെന്ന് നാസ വ്യക്തമാക്കി. നിലവില് ലോകത്തിന്റെ മൊത്തം ജിഡിപി 105 ട്രില്യണ് ഡോളര് ആണ്. എന്നാല് ഈ ഛിന്നഗ്രഹത്തിന്റെ മൂല്യം 10,000 ക്വാഡ്രില്യണ് ഡോളര് ആണ്!
ഛിന്നഗ്രഹത്തിലെ പാറകൂട്ടങ്ങളെ വിശദമായി പഠിക്കുന്നത് വഴി ഗ്രഹങ്ങളുടെ കാമ്പുകളെ കുറിച്ചും ഭൂമിയുടെ രൂപീകരണത്തെ കുറിച്ചുമുള്ള അതിനിര്ണായക വിവരങ്ങള് ലഭിക്കുമെന്നാണ് വിവരം. ഗ്രഹങ്ങള് എങ്ങനെ രൂപപ്പെട്ടിട്ടുണ്ടാകാമെന്ന ചോദ്യത്തിനുള്ള ഉത്തരം നല്കാന് ഈ പര്യവേക്ഷണത്തിന് കഴിയുമെന്നാണ് ശാസ്ത്രലോകത്തിന്റെ പ്രതീക്ഷ.
1852-ല് ഇറ്റാലിയന് വാനശാസ്ത്രജ്ഞനായ അനിബെലെ ഡി ഗ്യാസപാരിസ് ആണ് ഈ ഛിന്നഗ്രഹം കണ്ടെത്തിയത്. ഗ്രീക്ക് പുരാണപ്രകാരം ആത്മാവിന്റെ ദേവന്റെ പേരാണ് ഇതിന് നല്കിയിരിക്കുന്നത്. ലോഹങ്ങളാല് സമ്പുഷ്ടമാണ് സൈക്ക് ഛിന്നഗ്രഹം. ഗ്രഹങ്ങളുടെ വിവിധ ഭാഗങ്ങള് ചേര്ന്നാണ് ഇവ രൂപം കൊണ്ടത്. ഭൂമിയുടെ അടിസ്ഥാന ശിലയെ പരിശോധിക്കുക അസാധ്യമായ കാര്യമാണ്.
ഗുരുത്വാകര്ഷണ ഫലം ശക്തമായതിനാല് അവിടേക്ക് എത്താന് സാധിക്കില്ല. അതുകൊണ്ട് ഛിന്നഗ്രങ്ങളെ പരിശോധിക്കുകയാണ് മികച്ച മാര്ഗം. അതിനാലാണ് സൈക്കിയെ ഛിന്നഗ്രഹത്തിലേക്ക് അയക്കുന്നത്. പ്രപഞ്ചം ഉണ്ടായത് മുതലുള്ള കാര്യങ്ങള് ഛിന്നഗ്രഹങ്ങളുടെ പ്രതലത്തില് അടങ്ങിയിട്ടുണ്ടാവും. പാറകഷ്ണങ്ങളും, മണ്ണും പൊടിയുമെല്ലാം ഇതിന്റെ തെളിവുകളാണ്.
