മയാമി: നവംബര് 2 മുതല് 4 വരെ മയാമിയില് നടക്കുന്ന ഇന്ത്യ പ്രസ് ക്ലബ് ഓഫ് നോര്ത്ത് അമേരിക്ക അന്താരാഷ്ട്ര മാധ്യമ സമ്മേളനത്തില് ജന്മഭൂമി ഓണ്ലൈന് എഡിറ്റര് പി ശ്രീകുമാര് പങ്കെടുക്കും. കോട്ടയം, പുതുപ്പള്ളി, തൃക്കോതമംഗലം സ്വദേശിയായ ശ്രീകുമാര് 33 വര്ഷമായി പത്രപ്രവര്ത്ത രംഗത്തു സജീവമാണ് നിരവധി ദേശീയ അന്തര്ദേശീയ കായികമത്സരങ്ങള്, ന്യൂഡല്ഹിയില് നടന്ന ജി 20 ഉച്ചകോടി ഉള്പ്പെടെ പ്രധാന സംഭവങ്ങള് റിപ്പോര്ട്ട് ചെയ്തിട്ടുണ്ട്.
കേരളം ചര്ച്ച ചെയ്ത നിരവധി റ്ിപ്പോര്ട്ടുകള് എഴുതിയിട്ടുള്ള പി ശ്രീകുമാര് ചാനല് ചര്ച്ചകളില് ദേശീയ കാഴ്ചപ്പാടോടെ വിഷയങ്ങള് അവതരിപ്പിക്കുന്ന സംവാദകന് കൂടിയാണ് .കേസരി ട്രസ്റ്റ്, പത്രപ്രവര്ത്തക യൂണിയന്, ബാലഗോകുലം സംഘടനകളുടെ വിവിധ ചുമതലകള് വഹിക്കുന്ന ഇദ്ദേഹം 2003 മുതല് കേരള ഹിന്ദൂസ് ഓഫ് നോര്ത്ത് അമേരിക്കയുടെ കേരളത്തിലെ കോഓര്ഡിനേറ്റര് ആണ്.
അമേരിക്ക, ശ്രീലങ്ക, യുഎഇ, മലേഷ്യ, സിംഗപ്പൂര്, ആസ്ട്രേലിയ എന്നീ രാജ്യങ്ങള് സന്ദര്ശിച്ചിട്ടുണ്ട്. യൂനിസെഫ്, കേരള മീഡിയ അക്കാദമി ഫെലോഷിപ്പുകള് ഉള്പ്പെടെ നിരവധി പുരസ്ക്കാരങ്ങള് ലഭിച്ചു.അമേരിക്ക കാഴ്ചക്കപ്പുറം, അമേരിക്കയിലും തരംഗമായി മോദി, പ്രസ് ഗാലറി കണ്ട സഭ, പി ടി ഉഷ മുതല് പി പരമേശ്വരന് വരെ, രാജസൂയം, മോഹന്ലാലും കൂട്ടുകാരും, പൊന്നുഷസ്, രാമന്റെ വഴിയെ തുടങ്ങിയ പുസ്തകങ്ങളുടെ രചയിതാവാണ്.
രാഷ്ട്രീയസാമൂഹികമാധ്യമ രംഗത്തെ പ്രമുഖര് ചടങ്ങില് പങ്കെടുക്കും. രാവിലെ 10 മുതല് രാത്രി 10 മണി വരെ സെമിനാറുകളും, ഓപ്പണ് ഫോറവും , പൊതു സമ്മേളനവും , വൈവിധ്യമാര്ന്ന കലാപരിപാടികളും നടക്കും. സുനില് തൈമറ്റംപ്രസിഡന്റ്, രാജു പള്ളത്ത് ജനറല് സെക്രട്ടറി , ഷിജോ പൗലോസ് ട്രഷറര് , ബിജു കിഴക്കേക്കുറ്റ് അഡ്വൈസറി ബോര്ഡ് ചെയര്മാന് ,സുനില് െ്രെടസ്റ്റാര് പ്രസിഡന്റ് എലെക്ട് , ബിജു സക്കറിയ വൈസ് പ്രസിഡണ്ട് , സുധ പ്ലക്കാട്ട് ജോയിന്റ് സെക്രട്ടറി , ജോയ് തുമ്പമണ് ജോയിന്റ് ട്രഷറര് , ജോര്ജ് ചെറായില് ഓഡിറ്റര് എന്നിവരുടെ നേതൃത്വത്തിലുള്ള നാഷണല് കമ്മറ്റിയാണ് അന്താരാഷ്ട്ര മാധ്യമ കോണ്ഫറന്സിന് ചുക്കാന് പിടിക്കുന്നത്.കൂടുതല് വിവരങ്ങള്ക്ക് : സുനില് തൈമറ്റം305 776 7752 , രാജു പള്ളത്ത് 732 429 9529 , ഷിജോ പൗലോസ് 201 238 9654
