കോഴിക്കോട്: മെഡിക്കല് കോളേജിന് സമീപം പെട്രോള് ബോംബാക്രമണം. കോളേജിന് മുമ്പില് നിര്ത്തിയിട്ടിരുന്ന ജീപ്പിന് നേരെയാണ് ആക്രമണം ഉണ്ടായത്. ബൈക്കിലെത്തിയ രണ്ടംഗ സംഘമാണ് ബോംബെറിഞ്ഞതെന്നാണ് റിപ്പോര്ട്ട്.
പൂവാട്ടുപറമ്പില് രണ്ട് സംഘങ്ങള് തമ്മിലുണ്ടായ തര്ക്കത്തെ തുടര്ന്നാണ് ആക്രമണം ഉണ്ടായത്. ഒരു സംഘം മറ്റൊരു സംഘത്തെ കുറിച്ചുള്ള വിവരം പോലീസിന് കൈമാറിയെന്ന് ആരോപിച്ചാണ് തര്ക്കം ആരംഭിച്ചത്. എന്നാല് ഇതു പിന്നാലെ സംഘര്ഷത്തിലേക്ക് മാറുകയായിരുന്നു.
സംഘര്ഷത്തില് പരിക്കേറ്റവര് വന്ന ജീപ്പാണ് ആക്രമിക്കപ്പെട്ടത്. പരിക്കേറ്റവരെ ആശുപത്രിയിലേക്ക് കൊണ്ടുപോയതിനു ശേഷമാണ് ജീപ്പിന് നേരെ ആക്രമണമുണ്ടായത്. അതിനാല് ആര്ക്കും പരിക്കില്ല. ബോംബ് എറിഞ്ഞ ഒരാളെ പോലീസ് പിടികൂടിയിട്ടുണ്ട്.
