ലണ്ടന്: പകരക്കാരനായി ഇറങ്ങിയ ഗബ്രിയേല് മാര്ട്ടിനെല്ലിയുടെ ഗോളില് ആഴ്സനല് കരുത്തന് ടീം മാഞ്ചസ്റ്റര് സിറ്റിയെ മുട്ടുകുത്തിച്ചു. തുല്യനിലയില് പോയ്ക്കൊണ്ടിരുന്ന മത്സരം അവസാനിക്കാറായപ്പോഴാണ് ആഴ്സനല് വിജയഗോള് നേടിയത്. കളിയുടെ 86-ാം മിനിറ്റില്.
വിജയത്തെ തുടര്ന്ന് പ്രീമിയര് ലീഗ് പോയിന്റ് പട്ടികയില് സിറ്റിയെ മറികടന്ന് മൂന്നാം സ്ഥാനത്തെത്താനും ആര്സനലിന് സാധിച്ചു. എട്ട് റൗണ്ട് വീതം കളികല് പിന്നിടുമ്പോള് ടോട്ടനം ആണ് ആറ് വിജയവുമായി മുന്നില്. ഇത്രയും ജയം ആഴ്സനലും സ്വന്തമാക്കിയിട്ടുണ്ട്. ഗോള് വ്യത്യാസത്തിന്റെ ആനുകൂല്യം ടോട്ടനത്തെ തല്ക്കാലം ഒന്നാം സ്ഥാനത്തേക്കുയര്ത്തി.
