കൊല്ലം: കുണ്ടറയിൽ പോലീസിന് പിടികൊടുക്കാതെ മുങ്ങി നടന്ന പീഡനശ്രമക്കേസ് പ്രതി പിടിയിൽ. പ്രതി ലിഫ്റ്റ് ചോദിച്ച് കയറിയത് അന്വേഷിച്ച് നടന്ന എസ്ഐയുടെ സ്കൂട്ടറിൽ ആയിരുന്നു. സംഭവം തിരിച്ചറിഞ്ഞ പ്രതി ഓടിരക്ഷപ്പെടാൻ ശ്രമിച്ചെങ്കിലും പ്രതിയെ പിടികൂടുകയായിരുന്നു.
കിഴക്കേ കല്ലട സ്വദേശിനിയെ രാത്രി വീട്ടിൽ കയഖി പീഡിപ്പിക്കാൻ ശ്രമിച്ച കേസിലെ പ്രതി കൊടുവിള കരാചരുവിൽ വീട്ടിൽ ജോമോൻ ആണ് പിടിയിലായത്. മറ്റൊരു കേസിന്റെ ഭാഗമായി യാത്രയിലായിരുന്നു സ്പെഷ്യൽ ബ്രാഞ്ച് എസ്ഐ ബിൻസ്രാജിനോടാണ് ജോമോൻ ലിഫ്റ്റ് ചോദിച്ചത്.
