ബിവിഎസ്‌സി ആന്റ് എഎച്ച്: 15% അഖിലേന്ത്യാ ക്വാട്ട പ്രവേശനം

അംഗീകൃത വെറ്ററിനറി കോളേജുകളില്‍ 2023-24 വര്‍ഷത്തെ ബിവിഎസ്‌സി ആന്റ് എഎച്ച് കോഴ്‌സില്‍ 15% അഖിലേന്ത്യാ ക്വാട്ട പ്രവേശനത്തിന് വെറ്ററിനറി കൗണ്‍സില്‍ ഓഫ് ഇന്ത്യയുടെ ആഭിമുഖ്യത്തില്‍ ഓണ്‍ലൈന്‍ കൗണ്‍സലിങ് നടപടികള്‍ തുടങ്ങി. നീറ്റ്-യുജി 2023 ല്‍ യോഗ്യത നേടിയവര്‍ക്ക് ഇതില്‍ പങ്കെടുക്കാം. 744 സീറ്റുകളിലേക്കാണ് ്രപവേശനം.
ഒന്നാം റൗണ്ടിലേക്ക് സെപ്തംബര്‍ 25 വരെ ഓണ്‍ലൈനായി രജിസ്റ്റര്‍ ചെയ്യാം. രജിസ്‌ട്രേഷന്‍ ഫീസ് ജനറല്‍ 1000 രൂപ. ഇഡബ്ല്യുഎസ്/ഒബിസി 900 രൂപ. എസ്‌സി/എസ്ടി/പിഡബ്ല്യുഡി (പിഎച്ച്)/ട്രാന്‍സ്ജന്‍ഡര്‍ 500 രൂപ. കൗണ്‍സലിങ്, ചോയിസ് ഫില്ലിങ്,അലോട്ട്‌മെന്റ് ഷെഡ്യൂളുകളും പ്രവേശന നടപടികളും രജിസ്‌ട്രേഷനുള്ള മാര്‍ഗ്ഗനിര്‍ദ്ദേശങ്ങളും www.vci.admission.nic.in- ല്‍ ലഭിക്കും.