കോഴിക്കോട്: ജില്ലയില് നിപ സ്ഥിരീകരിച്ചു. പുനെ വൈറോളജി ലബോറട്ടറിയിൽ പരിശോധിച്ചതിന്റെ ഫലം വരാൻ കാത്തിരിക്കുന്നതിനിടെ കേന്ദ്ര ആരോഗ്യ മന്ത്രാലയമാണ് ഇക്കാര്യം സ്ഥിരീകരിച്ചത്. നിപ ലക്ഷണങ്ങളോടെ കോഴിക്കോട് സ്വകാര്യ ആശുപത്രിയില് നാല് പേരാണ് ചികില്സയിലുള്ളത്. ഒരാള് വെന്റിലേറ്ററിലും ചികിത്സയില് തുടരുന്നു. ജില്ലയിലെ സ്വകാര്യ ആശുപത്രിയിൽ പനി ബാധിച്ച് മരിച്ച രണ്ട് പേരുടെ സ്രവമാണ് പരിശോധനയ്ക്ക് അയച്ചിരുന്നത്.
നിപ നിയന്ത്രണങ്ങള്ക്കായി 16 ടീമുകള് രൂപീകരിച്ചു. ജില്ലയില് കണ്ട്രോള് റൂം തുറക്കും, ആശുപത്രികളിലും ജാഗ്രത ശക്തമാക്കും. ആശുപതികളിലെ അനാവശ്യ സന്ദര്ശനങ്ങള് ഒഴിവാക്കണമെന്നും മന്ത്രി നിര്ദ്ദേശിച്ചു. നിപ ലക്ഷണങ്ങളുള്ളവരുമായി അടുത്ത ബന്ധം പുലര്ത്തിയവരെ ഐസൊലേഷന് വാര്ഡുകളിലേക്ക് മാറ്റുമെന്നും നിലവില് സമ്പര്ക്ക പട്ടികയില് 75 പേരാണ് ഉള്ളതെന്നും മന്ത്രി കൂട്ടിച്ചേര്ത്തു. അതിനിടെ ജില്ലയില് മാസ്ക് നിര്ബന്ധമാക്കി.
