കണ്ണൂർ: സിപിഎം നേതാവ് പി ജയരാജന്റെ മകനെതിരെ ഡിവൈഎഫ്ഐ. പി ജയരാജന്റെ മകൻ ജെയ്ൻ രാജ് സാമൂഹിക മാദ്ധ്യമങ്ങളിലൂടെ ഡിവൈഎഫ്ഐ നേതാവിനെ അപകീർത്തിപ്പെടുത്താൻ ശ്രമിച്ചെന്നാണ് കണ്ണൂർ ജില്ലാ കമ്മിറ്റിയുടെ പരാതി.
പാനൂർ ബ്ലോക്ക് സെക്രട്ടറിയ്‌ക്കെതിരെയുള്ള ജെയ്ൻ രാജിന്റെ ഫേസ്സ്ബുക്ക് പോസ്റ്റ് ചൂണ്ടിക്കാട്ടിയാണ് ആരോപണം. കഴിഞ്ഞ ദിവസമാണ് പാനൂർ ബ്ലോക്ക് സെക്രട്ടറി കിരണിനെതെതിരെ മോശം ഭാഷയിലുള്ള ഒരു കമന്റ് സമൂഹമാദ്ധ്യമങ്ങളിൽ പോസ്റ്റ് ചെയ്തത്.
തൊട്ടു പിന്നാലെ കിരൺ അർജുൻ ആയങ്കിയുടെ വിവാഹത്തിൽ പങ്കെടുക്കുന്ന ചിത്രം പങ്കുവെച്ച് സ്വർണക്കടത്ത് കേസിൽ പങ്കുള്ള ഒരാളാടൊപ്പമാണ് വിവാഹത്തിൽ കിരൺ പങ്കെടുത്തതെന്നുള്ള ആരോപണവും ജെയ്ൻ ഉന്നയിച്ചു. ഇതിനു പിന്നാലെയാണ് കണ്ണൂർ ജില്ലാ കമ്മിറ്റി പ്രസ്താവന പുറത്തിറക്കിയത്. ഡിവൈഎഫ്‌ഐയെയും നേതാക്കളെയും താറടിച്ചു കാണിക്കാൻ ശ്രമം നടത്തുന്നു എന്ന് ജെയ്നിന്റെ പേര് എടുത്ത് പറയാതെ ഡിവൈഎഫ്‌ഐയുടെ പ്രസ്താവനയിൽ വിമർശിക്കുന്നു. ഇത് സംബന്ധിച്ച് ഫേസ്ബുക്കിൽ പോസ്റ്റും ജില്ലാ സെക്രട്ടറി പങ്കുവെച്ചു. ഇതിലും ന്യായീകരണം എന്ന നിലയിൽ ജെയ്ൻ കമന്റിട്ടിട്ടുണ്ട്.എല്ലാവർക്കും ബാധകമാണ് പോസ്റ്റ് എന്നാണ് കമന്റ്.
പ്രതികരിക്കാൻ ഇവിടെ എഴുതുക: