തൃശൂര്: വിയ്യൂര് സെന്ട്രല് ജയിലില് നിന്ന് തടവുകാരന് ചാടിപ്പോയി. തമിഴ്നാട് സ്വദേശി ഗോവിന്ദ് രാജാണ് കഴിഞ്ഞ ദിവസം ജയില് ചാടിയത്.
നിരവധി മോഷണ കേസുകള് ഇയാളുടെ പേരിലുണ്ട്. ജയില് വളപ്പിലെ പൂന്തോട്ടം പരിപാലിക്കാന് തടവുകാരെ പുറത്തിറക്കിയപ്പോഴാണ് ഗോവിന്ദരാജ് ഉദ്യോഗസ്ഥരുടെയും സഹ തടവുകാരുടെയും കണ്ണ് വെട്ടിച്ച് രക്ഷപ്പെട്ടത്.
ഇയാള്ക്കായി പൊലീസ് ലുക്ക്ഔട്ട് നോട്ടീസ് പുറത്തിറക്കി.
രാവിലെ ഒമ്പത് മണിയോടെയാണ് ഇയാള് കടന്നതെങ്കിലും 12 മണിയോടെയാണ് ജയില് അധികൃതര് സംഭവം പൊലീസില് അറിച്ചതെന്ന് ആക്ഷേപമുണ്ട്.
