തിരുവനന്തപുരം: സംസ്ഥാനത്ത് വരുന്ന അഞ്ച് ദിവസം കൂടി മഴയെന്ന് കാലാവസ്ഥാ കേന്ദ്രം. സെപ്റ്റംബര് എട്ട് മുതല് 11 വരെ ഒറ്റപ്പെട്ട സ്ഥലങ്ങളില് ശക്തമായ മഴയ്ക്ക് സാധ്യതയുണ്ട്.
അടുത്ത 3 മണിക്കൂറില് കേരളത്തിലെ 14 ജില്ലകളിലും ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് വ്യക്തമാക്കിയിട്ടുണ്ട്. ഇന്ന് 11 ജില്ലകളില് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട ഒഴികെയുള്ള ജില്ലകള്ക്കാണ് യെല്ലോ അലര്ട്ട്. കേരള തീരത്ത് മത്സ്യബന്ധനത്തിനും വിലക്കേര്പ്പെടുത്തിയിരുന്നു.
