പുതിയ ചിത്രം ജവാന് ഈ മാസം ഏഴിന് തിയേറ്ററികളിലെത്താനിരിക്കെ ഭക്തി മാര്ഗത്തിലാണ് കിംഗ് ഖാന്. ഒന്നിന് പിറകെ ഒന്നായി ക്ഷേത്രങ്ങളില് എത്തി അനുഗ്രഹം തേടുകയാണ് നായകനായ ഷാരൂഖ് ഖാന്. ഏറ്റവും ഒടുവിലായി ചൊവ്വാഴ്ച തിരുപ്പതിയിലെ ശ്രീ വെങ്കിടേശ്വര സ്വാമി ക്ഷേത്രത്തിലാണ് ദര്ശനം നടത്തിയത്. മകള് സുഹാന ഖാനും ചിത്രത്തില് ഒപ്പം അഭിനയിച്ച നയന്താരയും ക്ഷേത്ര ദര്ശനത്തിന് കിംഗ് ഖാനൊപ്പം ഉണ്ടായിരുന്നു.ഇതിന് പുറമെ നയന്താരയുടെ ഭര്ത്താവും സംവിധായകനുമായ വിഘ്നേഷ് ശിവനും കൂടെ ഉണ്ടായിരുന്നു
തിരുപ്പതി ക്ഷേത്ര ദര്ശനം നടത്തുന്ന ഷാരൂഖിന്റെ ഫോട്ടോകളും വീഡിയോകളും ചൊവ്വാഴ്ച രാവിലെ സാമൂഹ്യമാധ്യമങ്ങളില് പ്രത്യക്ഷപ്പെട്ടത് വൈറലായി. ക്രീം മുണ്ടും ചെറിയ കുര്ത്തയും സ്വര്ണ ബോര്ഡറുള്ള മേല്മുണ്ടും ധരിച്ചാണ് ഷാരൂഖ് ക്ഷേത്രത്തില് പ്രാര്ത്ഥന നടത്തിയത്.
വെള്ള സല്വാര് കമീസ് ധരിച്ച സുഹാന ഖാന് ഷാരൂഖിന്റെ കൈപിടിച്ചു നടക്കുകയായിരുന്നു. നയന്താരയും വിഘ്നേഷും തൂവെള്ള വസ്ത്രമാണ് ധരിച്ചിരുന്നത്.ക്ഷേത്രത്തിന് പുറത്ത് താരങ്ങളെ കാണാന് തടിച്ചു കൂടിയ ആരാധകരെ ഫ്ളൈയിംഗ് കിസ് നല്കിയും കൈവീശിയും നടന് അഭിവാദ്യം ചെയ്തു.
കഴിഞ്ഞ മാസം, ചെന്നൈയില് ജവാന്റെ ഓഡിയോ ലോഞ്ചിന് മുന്നോടിയായി കനത്ത സുരക്ഷയില് ഷാരൂഖ് ഖാന് ജമ്മു കശ്മീരിലെ വൈഷ്ണോ ദേവി ക്ഷേത്രം സന്ദര്ശിച്ചിരുന്നു. ഈ വര്ഷം ജനുവരിയില് പഠാന് റിലീസിന് മുമ്പും താരം വൈഷ്ണോ ദേവി ക്ഷേത്രത്തില് പ്രാര്ത്ഥന നടത്തിയിരുന്നു.
ബ്ലോക്ക്ബസ്റ്റര് ചിത്രമായ പഠാന് ശേഷം പുറത്തിറങ്ങുന്ന ഷാരൂഖ് ഖാന് ചിത്രമാണ് ജവാന്. പഠാന് റിലീസിന് മുമ്പ് മാധ്യമങ്ങളെ അഭിമുഖീകരിക്കാതിരുന്ന ഷാരൂഖ് ജവാന്റെ പ്രമോഷന് തിരക്കിലാണ്.
കഴിഞ്ഞ ബുധനാഴ്ച ചെന്നൈയില് നടന്ന ജവാന്റെ ഓഡിയോ ലോഞ്ചിലും പ്രീ-റിലീസ് ഇവന്റിലും പങ്കെടുത്ത ശേഷം, ഓഗസ്റ്റ് 31 ന് ബുര്ജ് ഖലീഫയില് ജവാന്റെ ട്രെയിലര് പ്രദര്ശിപ്പിച്ചപ്പോള് കിംഗ് ഖാന് ദുബായില് എത്തിയിരുന്നു.
ആറ്റ്ലി സംവിധാനം ചെയ്ത് റെഡ് ചില്ലീസ് എന്റര്ടൈന്മെന്റ് നിര്മ്മിച്ച ജവാനില് നയന്താര, വിജയ് സേതുപതി, സന്യ മല്ഹോത്ര, പ്രിയാമണി, സുനില് ഗ്രോവര്, യോഗി ബാബു, റിധി ഡോഗ്ര എന്നിവരും അഭിനയിക്കുന്നു. ഹിന്ദി, തമിഴ്, തെലുങ്ക് ഭാഷകളില് ചിത്രം തിയേറ്ററുകളില് റിലീസ് ചെയ്യും. 2ഡി ഐമാക്സ് ഫോര്മാറ്റില് കാണാന് കഴിയും.
#WATCH | Andhra Pradesh: Actor Shah Rukh Khan, his daughter Suhana Khan and actress Nayanthara offered prayers at Sri Venkateshwara Swamy in Tirupati pic.twitter.com/KuN34HPfiv
— ANI (@ANI) September 5, 2023
