കോട്ടയം: പുതുപ്പള്ളിയില്‍ നിയമസഭാ ഉപതെരഞ്ഞെടുപ്പിനുളള പരസ്യപ്രചാരണത്തിന് ആവേശത്തോടെ കൊട്ടിക്കലാശം. ഞായറാഴ്ച വൈകുന്നേരം ആറ് മണിക്ക് പാമ്പാടിയിലായിരുന്നു പരസ്യ പ്രചാരണത്തിന് സമാപനമായത്.
പരസ്യ പ്രചാരണം അവസാനിക്കുന്നതിന്റെ അവസാന മണിക്കൂറുകളില്‍ ഇടത്, വലത് മുന്നണികളുടെയും ബിജെപിയുടെയും നേതാക്കളും അണികളും പാമ്പാടിയിലേക്കൊഴുകുകയായിരുന്നു. യുഡിഎഫ് സ്ഥാനാര്‍ഥി ചാണ്ടി ഉമ്മനും എല്‍ഡിഎഫ് സ്ഥാനാര്‍ഥി ജെയ്ക് സി. തോമസും അണികള്‍ക്കൊപ്പം റോഡ് ഷോയുമായാണ് പാമ്പാടിയിലേക്ക് എത്തിയത്. ബി ജെ പി സംസ്ഥാന അധ്യക്ഷന്‍ കെ സുരേന്ദ്രനും പ്രചാരണത്തിനെത്തിയിരുന്നു.
നിശബ്ദപ്രചാരണത്തിന്റെ മണിക്കൂറുകളാണ് ഇനി . ചൊവ്വാഴ്ച വോട്ടെടുപ്പ് നടക്കും.മുന്‍ മുഖ്യമന്ത്രിയും 53 വര്‍ഷം മണ്ഡലത്തെ പ്രതിനിധീകരിക്കുകയും ചെയ്ത ഉമ്മന്‍ ചാണ്ടിയുടെ മരണത്തെ തുടര്‍ന്നാണ് പുതുപ്പള്ളിയില്‍ ഉപതെരഞ്ഞെടുപ്പ് വേണ്ടിവന്നത്.
പ്രതികരിക്കാൻ ഇവിടെ എഴുതുക: