തിരുവനന്തപുരം: മുഹൂര്ത്തത്തിന് തൊട്ടുമുമ്പ് ബ്യൂട്ടി പാര്ലറിലേക്ക് എന്ന് പറഞ്ഞ് പോയ വധു ഒളിച്ചോടിയതിനെ തുടര്ന്ന് വിവാഹം മുടങ്ങി. തിരുവനന്തപുരം കല്ലമ്പലത്താണ് സംഭവം. കല്ലമ്പലം വടശേരിക്കോണം സ്വദേശിയായ യുവതിയുടെയും ഇടവ സ്വദേശിയായ യുവാവിന്റെയും വിവാഹമായിരുന്നു നടക്കേണ്ടിയിരുന്നത്. വിവാഹം മുടങ്ങിയതിനെ തുടര്ന്ന് പെണ്കുട്ടിയുടെ മാതാപിതാക്കള് കുഴഞ്ഞുവീണു. ആറ് മാസത്തിന് മുമ്പായിരുന്നു വടശേരിക്കോണം സ്വദേശിയായ യുവതിയുടെയും ഇടവ സ്വദേശിയായ യുവാവിന്റെയും വിവാഹ നിശ്ചയം.
ഇന്നലെ രാവിലെ മുതല് ഇരുകുടുംബങ്ങളില് നിന്ന് ബന്ധുക്കള് ഉള്പ്പെടെയുള്ളവര് വിവാഹത്തിനായി ഓഡിറ്റോറിയത്തിലെത്തിയിരുന്നു. എന്നാല് ബ്യൂട്ടി പാര്ലറിലേക്ക് എന്നു പറഞ്ഞ് പോയ വധുവിനെ മുഹൂര്ത്ത സമയമായിട്ടും കാണാതെ വന്നതിനെ തുടര്ന്ന് അന്വേഷിച്ചപ്പോഴാണ് ഒളിച്ചോടിയ വിവരം അറിയുന്നത്. വധു ഒളിച്ചോടിയത് അറിഞ്ഞ് പിന്നാലെ വരന്റെയും പെണ്കുട്ടിയുടെയും ബന്ധുക്കള് തമ്മില് വാക്കുതര്ക്കമുണ്ടായെങ്കിലും സംഘര്ഷമുണ്ടായില്ല. ഇവര് പിന്നീട് വീട്ടിലേക്ക് മടങ്ങി. ബന്ധുക്കള് കല്ലമ്പലം പൊലീസില് വിവരമറിയിച്ചെങ്കിലും ഇത് സംബന്ധിച്ച് ആരും പരാതി നല്കിയിട്ടില്ലെന്ന് പൊലീസ് അറിയിച്ചു. കല്യാണത്തിനായി ഒരുക്കിയ വിഭവസമൃദ്ധമായ സദ്യയും ഇതോടെ പാഴായി.
