ഉത്തര്പ്രദേശ് മുഖ്യമന്ത്രി യോഗി ആദിത്യനാഥിനെ സൂപ്പര്താരം രജനീകാന്ത് ലക്നൗവിലെ വസതിയില് സന്ദര്ശിച്ച വാര്ത്ത ഇന്നലെ പുറത്തുവന്നിരിന്നു. ഗോരഖ് നാഥ് മഠാധിപതി കൂടിയായ യോഗി ആദിത്യനാഥിനെ അഭിവാദ്യം ചെയ്ത ശേഷം സൂപ്പര്താരം യോഗിയുടെ പാദം തൊട്ടു വണങ്ങുന്ന ദൃശ്യങ്ങളാണ് ഇപ്പോള് വൈറലായിരിക്കുന്നത്.
കാറില് നിന്നിറങ്ങി യുപി മുഖ്യമന്ത്രിയെ നമസ്തേ ചൊല്ലി അദ്ദേഹത്തിന്റെ പാദങ്ങളില് തൊട്ട് വണങ്ങിയ ശേഷം താരം അദ്ദേഹത്തിന് ബൊക്കെയും നല്കി. തുടര്ന്ന് ഇരുവരും ഫോട്ടോഗ്രാഫര്മാര്ക്കായി പോസ് ചെയ്തു.രജനീകാന്തിനൊപ്പം ഭാര്യ ലതാ രജനീകാന്തും ഉണ്ടായിരുന്നു.
ശനിയാഴ്ച യോഗി ആദിത്യനാഥുമായി രജനികാന്ത് നടത്തിയ ആശയവിനിമയത്തിന്റെ ചിത്രങ്ങളും വീഡിയോകളും വിവിധ സാമൂഹ്യ മാധ്യമ പ്ലാറ്റ്ഫോമുകളില് വ്യാപകമായി പങ്കുവയ്ക്കപ്പെടുന്നുണ്ട്. ഏതായാലും രജനീകാന്ത് യോഗിയുടെ കാല് തൊട്ട് വണങ്ങിയതിനെ അനുകൂലിച്ചും വിമര്ശിച്ചും കമന്റുകളുണ്ട്.എന്നിരുന്നാലും, ചിലര് മുതിര്ന്ന നടനെ പ്രതിരോധിക്കുകയും അദ്ദേഹത്തിന്റെ നടപടിയെ പിന്തുണയ്ക്കുകയും ചെയ്യുന്നു.
‘രജനികാന്ത് തമിഴ്നാടിന് നാണക്കേടാണ്. ആത്മീയത ഒരിക്കലും ആത്മാഭിമാനം നഷ്ടപ്പെടുത്തുന്ന കാര്യമായിരുന്നില്ല!’ ‘എന്തൊരു വീഴ്ച .72 കാരനായ രജനികാന്ത് 51 കാരനായ യോഗി ആദിത്യനാഥിന്റെ പാദങ്ങളില് സ്പര്ശിക്കുന്നു-‘ഒരു വ്യക്തി ഇന്സ്റ്റാഗ്രാമില് കുറിച്ചു.
രജനികാന്ത് മറ്റ് നായകന്മാരെപ്പോലെ ഒരു നടന് മാത്രമായിരുന്നുവെങ്കില്, ആ സംഭവത്തെക്കുറിച്ച് ഞാന് കൂടുതല് ശ്രദ്ധിക്കില്ല. എന്നാല് അദ്ദേഹം ദക്ഷിണേന്ത്യയുടെ മുഖമാണ്. നമ്മളില് നിന്ന് തിരിച്ചറിയാന് കഴിയുന്ന ചുരുക്കം ചില സെലിബ്രിറ്റികളില് ഒരാള്. പ്രത്യേകിച്ച് ഡല്ഹിയില്, ഞാന് തമിഴനാണെന്ന് പരിചയപ്പെടുത്തിയപ്പോള്, ഞങ്ങള് രജനികാന്തിനെ സ്നേഹിക്കുന്നു. ഹിന്ദിയില് അദ്ദേഹത്തിന്റെ തമിഴ് സിനിമകള് കാണും എന്നൊക്കെ പറഞ്ഞു. പലര്ക്കും തമിഴ്നാട് എന്നൊരു സംസ്ഥാനം ഉണ്ടെന്ന് പോലും അറിയില്ല, പക്ഷേ അവര്ക്ക് രജനികാന്തിനെ അറിയാം. ആ ബഹുമാനം അദ്ദേഹം കാത്തുസൂക്ഷിക്കണമായിരുന്നു. വടക്കുനിന്നുള്ളവര് ഇതില് ഒരു തെറ്റും കാണില്ല. ആഴത്തില് നിരാശരായത് ഞങ്ങളാണ് ‘- ഒരു വിമര്ശനത്തില് പറയുന്നു.
എന്നാല് കാലില് തൊട്ടതിനെ ഓര്ത്ത് കുണ്ഠിതപ്പെടരുതെന്നും മറ്റ് ചിലര് പറയുന്നു. ഒരു രാഷ്ട്രീയക്കാരനും യുപി മുഖ്യമന്ത്രിയും എന്നതിലുപരി, യോഗി ഒരു മഠാധിപതി കൂടിയാണ്.
യോഗി ആദിത്യനാഥുമായുള്ള കൂടിക്കാഴ്ചയ്ക്ക് ് ശേഷം, രജനികാന്ത് ഞായറാഴ്ച സമാജ്വാദി പാര്ട്ടി അധ്യക്ഷന് അഖിലേഷ് യാദവിനെ ലക്നൗവിലെ അദ്ദേഹത്തിന്റെ വസതിയിലെത്തി കണ്ടു. തന്റെ ഏറ്റവും പുതിയ ചിത്രമായ ജയിലറിന്റെ വിജയത്തില് സന്തോഷിക്കുന്ന രജനികാന്ത്, ഏകദേശം ഒരു ദശാബ്ദത്തിന് ശേഷമാണ് അഖിലേഷ് യാദവിനെ കാണുന്നത്.
രജനികാന്തുമായുള്ള കൂടിക്കാഴ്ചയുടെ ചിത്രങ്ങള് അഖിലേഷ് തന്റെ എക്സ് അക്കൗണ്ടിലൂടെ പങ്കിട്ടു. മൈസൂരിലെ എഞ്ചിനീയറിംഗ് പഠനകാലത്ത് രജനികാന്ത് ജിയെ സ്ക്രീനില് കണ്ടപ്പോള് അനുഭവിച്ച സന്തോഷം ഇപ്പോഴും മായുന്നില്ല. 9 വര്ഷം മുമ്പ് ഞങ്ങള് നേരിട്ട് കണ്ടുമുട്ടി, അന്നുമുതല് സുഹൃത്തുക്കളാണ് .
