മലപ്പുറം : ആലുവയില് അഞ്ചുവയസ്സുകാരി ക്രൂര പീഡനത്തിനിരയായി കൊല്ലപ്പെട്ടതിന് പിന്നാലെ വീണ്ടും ഇതര സംസ്ഥാനക്കാരിയായ ബാലിക വീണ്ടും പീഡനത്തിനിരയായതായി പരാതി. മലപ്പുറം ചേളാരിയില് മധ്യപ്രദേശ് സ്വദേശികളുടെ മകളായ നാലുവയസ്സുകാരിയെ ശീതള പാനീയം കാണിച്ച് പ്രലോഭിപ്പിച്ച് പീഡിപ്പിച്ചതായാണ് പരാതി. സംഭവത്തില് പ്രതിയെ പോലീസ് അറസ്റ്റ് ചെയ്തു.
വ്യാഴാഴ്ച വൈകിട്ടാണ് സംഭവം. ഇതര സംസ്ഥാന തൊഴിലാളികള് കൂട്ടമായി താമസിക്കുന്ന സ്ഥലത്തെത്തിയ പ്രതി കളിപ്പിക്കാനെന്ന വ്യാജേന പെണ്കുട്ടിയെ കൂട്ടിക്കൊണ്ടുപോവുകയായിരുന്നു. തുടര്ന്ന് ഇയാള് ശീതള പാനീയം കാണിച്ച് പെണ്കുട്ടിയെ പീഡിപ്പിക്കുകയായിരുന്നു. പെണ്കുട്ടിയുടെ ഉറക്കെയുള്ള നിലവിളി കേട്ടാണ് മാതാപിതാക്കള് ഓടിച്ചെല്ലുകയായിരുന്നു.
വീട്ടിലെത്തിയ പെണ്കുട്ടി മാതാപിതാക്കളെ അറിയിച്ചതോടെയാണ് സംഭവം പുറത്തറിയുന്നത്. പിന്നീടിവര് തിരൂരങ്ങാടി പോലീസില് പരാതി നല്കുകയായിരുന്നു. കുട്ടിയെ വൈദ്യ പരിശോധനക്ക് വിധേയയാക്കി. സംഭവത്തില് പെണ്കുട്ടി പ്രതിയുടെ ഫോട്ടോകണ്ട് തിരിച്ചറിഞ്ഞതിനെ തുടര്ന്ന് പോലീസ് ഇയാളെ അറസ്റ്റ് ചെയ്തിട്ടുണ്ട്. കുട്ടിയുടെ മാതാപിതാക്കളുടെ സുഹൃത്താണ് അറസ്റ്റിലായ പ്രതി.
