ഷാരൂഖ് ഖാന്റെയും ഗൗരി ഖാന്റെയും മകള്‍ സുഹാന ഖാന് അടുത്ത ബന്ധുവായ ആലിയയ്‌ക്കും സുഹൃത്തുക്കള്‍ക്കുമൊപ്പം ഗോവയിലാണ്. വിനോദ സഞ്ചാരം തന്നെയാണ് ലക്ഷ്യം.
കടല്‍ത്തീരത്ത് നിന്നുളള ഫോട്ടോകള്‍ സുഹാനയും ആലിയയും പങ്കുവയ്‌ക്കുന്നു. അലസമായി കാറ്റില്‍ പാറിപ്പറക്കുന്ന പാവാട ധരിച്ച് നില്‍ക്കുന്ന സുഹാന ചിത്രത്തില്‍ അതിമനോഹരിയായിരിക്കുന്നു.
സോയ അക്തറിന്റെ ദി ആര്‍ച്ചീസ് എന്ന ചിത്രത്തിലൂടെ സുഹാന ഖാന് ബോളിവുഡില്‍ അരങ്ങേറ്റം കുറിക്കാന്‍ ഒരുങ്ങുകയാണ്. ചിത്രത്തില്‍ വെറോണിക്ക എന്ന കഥാപാത്രത്തെയാണ് അവതരിപ്പിക്കുന്നത്. സുഹാനയെ കൂടാതെ അമിതാഭ് ബച്ചന്റെ ചെറുമകന്‍ അഗസ്ത്യ നന്ദ, അന്തരിച്ച നടി ശ്രീദേവിയുടെ മകള്‍ ഖുഷി കപൂര്‍, യുവരാജ് മെന്‍ഡ, വേദാംഗ് റെയ്‌ന എന്നിവരും നെറ്റ്ഫ്‌ലിക്‌സ് പ്രോജക്റ്റിന്റെ ഭാഗമാണ്. ചിത്രം ഈ വര്‍ഷം റിലീസ് ചെയ്യും.
