തിരുവനന്തപുരം: തിരുവനന്തപുരത്തു നിന്ന് ദുബായിലേക്കു പോയ എയര് ഇന്ത്യ എക്സ്പ്രസ്സ് വിമാനം (ഐഎക്സ്539) തിരിച്ചിറക്കി.
എസി തകരാര് കണ്ടെത്തിയതിനെ തുടര്ന്ന് ഉച്ചക്ക് 1:19ന് പുറപ്പെട്ട വിമാനം 3:52നാണ് സുരക്ഷിമായി തിരിച്ചിറക്കിയത്. വിമാനത്താവളത്തില് സുരക്ഷാ മുന്കരുതലിന്റെ ഭാഗമായി ലോക്കല് സ്റ്റാന്ഡ്ബൈ പ്രഖ്യാപിച്ചിരുന്നു. 174 യാത്രക്കാരും ആറു ജീവനക്കാരുമാണ് വിമാനത്തിലുണ്ടായിരുന്നത്. ഇവരെ മറ്റൊരു വിമാനത്തില് (ഐഎക്സ് 556) വൈകിട്ട് 6.12ന് ദുബായിലേക്ക് കൊണ്ടുപോയി.
